પુણે: FTIIમાં છેલ્લા એક મહિનામાં બે વિદ્યાર્થીઓએ આત્મહત્યા કરી છે. 5 ઓગસ્ટના રોજ, FTIIમાં અભ્યાસ કરતા એક છોકરાએ વહેલી સવારે આત્મહત્યા કરી હતી. છોકરાનું નામ અશ્વિન શુક્લા છે અને તે તેના અંતિમ વર્ષોમાં અભ્યાસ કરી રહ્યો હતો. ગઈકાલે 1 સપ્ટેમ્બરના રોજ, નૈનીતાલની એક વિદ્યાર્થીનીએ FTIIમાં (Film and Television Institute of India) આત્મહત્યા કરી હતી. FTIIમાં અભ્યાસ કરતી 25 વર્ષની યુવતીએ ગુરુવારે બપોરે બેડશીટની મદદથી પંખા સાથે લટકીને આત્મહત્યા કરી લીધી હતી. આત્મહત્યા કરનાર યુવતીની ઓળખ કામાક્ષી બોહરા તરીકે થઈ છે, પરંતુ આપઘાત પાછળનું કારણ હજુ સુધી જાણી શકાયું નથી.
આ પણ વાંચો એક એવા દેશભક્ત કે, જેમણે દેશભક્તિની કિંમત 30 વર્ષ પાકિસ્તાની જેલમાં રહીને ચૂકવી
ડિપ્રેશનના કારણે કરી આત્માહત્યા : કામાક્ષી ઉત્તરાખંડના નૈનીતાલની વતની છે. 2019થી અહીં હોસ્ટેલમાં રહેવા માટે, તે પોસ્ટ ગ્રેજ્યુએશન ડિપ્લોમા ઇન એક્ટિંગ કોર્સ કરી રહી હતી. તે રૂમમાં એકલી રહેતી હતી. ઉપરાંત, તે કોઈની સાથે ભળતી નહોતી. આ દરમિયાન, ગુરુવારે કામાક્ષી ક્લાસમાં ન આવતાં, શિક્ષકે કેટલાક વિદ્યાર્થીઓને તે જ્યાં રહેતી હતી ત્યાં જવાનું કહ્યું. તે સમયે તેણીએ ફાંસી લગાવી લીધો હોવાનું જોવા મળ્યું હતું. આ માહિતી ડેક્કન પોલીસને આપવામાં આવી હતી. ડેક્કન પોલીસ સ્ટેશનના વરિષ્ઠ પોલીસ નિરીક્ષક મુરલીધર કાર્પે અધિકારીઓ અને કર્મચારીઓ સાથે ઘટનાસ્થળે પહોંચ્યા ત્યારબાદ જાણવા મળ્યું કે, ડિપ્રેશનના કારણે (student commit suicide due to depression) તેણીએ આપઘાતનું પગલું ભર્યું હોવાની આશંકા છે. ગયા મહિને 5 ઓગસ્ટના રોજ અહીંની એક હોસ્ટેલમાં ડિપ્રેશનના કારણે એક યુવકે આત્મહત્યા કરી હતી. આ પછી એક મહિનામાં બીજી ઘટના બની છે.
આ પણ વાંચો અરવલ્લીમાં સર્જાયો ગમખ્વાર અકસ્માત છ લોકોના થયા મોત
એક મહિના પહેલા એક વ્યક્તિએ આત્મહત્યા કરી હતી - અધિકારીએ જણાવ્યું કે, મૃતકના પરિવારજનોને જાણ કરવામાં આવી છે. આ પહેલા, 5 ઓગસ્ટે, અન્ય 32 વર્ષીય વિદ્યાર્થી સંસ્થામાં તેની હોસ્ટેલમાં લટકતી હાલતમાં મળી આવ્યો હતો. એક મહિનામાં FTIIમાં વિદ્યાર્થીની આત્મહત્યાની આ બીજી ઘટના છે. પોલીસે કહ્યું હતું કે, ફિલ્મ એન્ડ ટેલિવિઝન ઈન્સ્ટિટ્યૂટ ઓફ ઈન્ડિયા (FTII)ના હોસ્ટેલના રૂમમાંથી વિદ્યાર્થીની લાશ મળી આવી હતી. પ્રાથમિક દ્રષ્ટિએ આ આત્મહત્યાનો મામલો જણાઈ રહ્યો છે. આ કેસની તપાસ ચાલુ છે.
