મધ્યપ્રદેશ : ગ્વાલિયરમાં એક સગીર છોકરીની તેની માતાએ અને સાવકા પિતાએ તેનાથી 10 વર્ષ માટો યુવક સાથે બળજબરીથી લગ્ન કરાવી દિધા(11 year old girl married to 21 year man) છે. આ સંબંધ યુવતીના ભાઈને કોઈ પણ સંજોગોમાં સ્વીકાર્ય ન હતો. આ અંગે યુવતીના ભાઈએ પોલીસને જાણ કરી હતી. પોલીસે ગ્વાલિયરના ગિરગાંવ વિસ્તારમાંથી છોકરીને શોધી કાઢી છે. આ સાથે તેની માતા, સાવકા પિતા, વચેટિયા અને વર બનનાર યુવકની પણ ધરપકડ કરવામાં આવી(Four arrested mother and step father ) છે.
10 વર્ષ મોટા સાથે લગ્ન - પોલીસે યુવતીનું મેડિકલ કરાવ્યા બાદ યુવતી સાથે લગ્ન કરનાર યુવક વિરુદ્ધ બાળ લગ્ન એક્ટ ઉપરાંત બળાત્કાર અને પોક્સો એક્ટની કલમો હેઠળ કેસ નોંધ્યો છે. ઘટના ગ્વાલિયરના ચિનોર વિસ્તારની છે. અહીં એક 11 વર્ષની છોકરીના લગ્ન તેના કરતા 10 વર્ષ મોટા વ્યક્તિ સાથે થયા હતા. આ પરિવાર આદિવાસી હોવાનું કહેવાય છે. લગ્ન બાદ યુવતીના ભાઈએ સમજણ બતાવી પોલીસને જાણ કરી હતી. એસપી ગ્વાલિયર અમિત સાંઘીએ જણાવ્યું કે, ચિનોરની રહેવાસી છોકરીના ભાઈએ ફરિયાદ કરી કે તેની 11 વર્ષની બહેનના તેના સાવકા પિતા અને માતાએ ગિરગામના રહેવાસી કમલ સાથે લગ્ન કર્યા હતા.
આરોપીની પૂછપરછ ચાલુ - છોકરીના ભાઈએ ફરિયાદમાં જણાવ્યું કે, આ લગ્ન યુવતીની મરજી વિરુદ્ધ થયા છે. આ બાબતની જાણ થતાં પોલીસે બાળલગ્ન નિષેધ અધિનિયમ હેઠળ કેસ નોંધ્યો હતો અને કિશોરીની શોધખોળ કરી હતી, ત્યારે જાણવા મળ્યું હતું કે આરોપી તેને તેના ખેતરના એક રૂમમાં રાખતો હતો. પોલીસે ગિરગાંવમાં આરોપીના ખેતરમાં દરોડો પાડીને બાળકીને શોધી કાઢી હતી અને આરોપી કમલની ધરપકડ કરી હતી. આરોપીઓની પૂછપરછ કરવામાં આવી રહી છે.
