અમદાવાદ: ગુજરાતમાં વિધાનસભા ચૂંટણીના (Gujarat assembly election 2022)પ્રથમ તબક્કાનું મતદાન યોજાઈ રહ્યું છે. કિર્તીદાન ગઢવી (Folk singer Kirtidan Gadhvi)મતદાન કરવા માટે અમદાવાદથી રાજકોટ તો આવ્યા, મતદાન મથક ઉપર 30 થી 35 મિનિટ બેઠા પરંતુ તેઓ મત આપી શક્યા ન હતા. આ બાબતનો વિવાદનો વિડિયો સોશિયલ મીડિયામાં વાયરલ(video viral on social media) થઈ રહ્યું છે.મળેલી માહિતી અનુસાર કિર્તીદાન ગઢવી પાસે હાર્ડ કોપીમાં મતદાનની કાપલી અને જરૂરી અન્ય ઓળખ પુરાવાઓ સાથે નહીં હોવાથી મતદાન મથક ઉપર ફરજ પરના અધિકારીએ કિર્તીદાન ગઢવીને મતદાન કરતા (voting issue with kirtidan gadhvi)અટકાવ્યા હતા.
કિર્તીદાન ગઢવીને મત આપતા અટકાવ્યા: એક તરફ ડિજિટલ ઇન્ડિયા ની વાત કરવામાં આવે છે અને બીજી તરફ ચૂંટણી બૂથ ઉપર મોબાઈલ લઈ જવાનો પ્રતિબંધ હોવા છતાં ઇવીએમ મશીનની કેટલીક સેલ્ફી પણ વાયરલ થઈ રહી છે. પરંતુ અધિકારીએ કિર્તીદાન ગઢવીના સોફ્ટ કોપીમાં એટલે કે મોબાઇલમાં રહેલા ઓળખના પુરાવાને માન્ય રાખ્યા નહોતા અને 30 થી 35 મિનિટ કીર્તિદાન ગઢવી મતદાન મથક ઉપર બેઠા હોવા છતાં તેમણે મત આપવાની મંજૂરી આપવામાં આવી ન હતી. આ બાબતે કિર્તીદાન ગઢવીએ તેનો મોબાઇલમાં રહેલા તેમના ઓળખના પુરાવાઓ અધિકારીઓને બતાવ્યા હતા છતાંય અધિકારીએ કહ્યું હતું કે જો હાર્ડ કોપીમાં ઓળખના પુરાવાઓને મતદાર કાપી હશે તો મત આપી શકશો નહિતર મત આપી શકશો નહીં.
મત જાગૃતિ અભિયાનના બ્રાન્ડ એમ્બેસેડર છે કિર્તીદાન ગઢવી: રાજકોટમાં આજે પ્રથમ તબક્કાના મતદાન દરમ્યાન કીર્તીદાન ગઢવીને મત આપતા અટકાવવામાં આવ્યા હતા. વાત જાણે એમ છે કે, મત જાગૃતિ અભિયાનના બ્રાન્ડ એમ્બેસેડર અને લોક ગાયક કીર્તીદાન ગઢવી આજે માધાપર મતદાન મથકે મત આપવા પહોંચ્યા હતા. જ્યાં ફરજ પરના અધિકારીએ તેમનું આઈડી પ્રૂફ માંગતા આધારકાર્ડની હાર્ડ કોપી ન હોઇ તેમણે મત આપતા અટકાવવામાં આવ્યા હતા.
કલેક્ટરને રજૂઆત: રાજકોટના માધાપર મતદાન મથકે કિર્તીદાન ગઢવીને મત આપતા અટકાવ્યા હતા. આધારકાર્ડની હાર્ડ કોપી સાથે ન હોવાથી કિર્તીદાનને મત આપતા અટકાવતા તેમણે જિલ્લા કલેક્ટરને રજૂઆત કરી હતી. કલેક્ટરને રજૂઆત કરાયા બાદ કિર્તીદાન ગઢવી મત આપી શક્યા હતા.
