ગાંધીનગરઃ ફોરેસ્ટ ગાર્ડની ભરતીના મુદ્દે છેલ્લા કેટલાક સમયથી આંદોલન ચાલી રહ્યું છે. ત્યારે ફોરેસ્ટ ગાર્ડની ભરતી મુદ્દે કોંગ્રેસ પ્રદેશ અધ્યક્ષ અને રાજ્યસભા સાંસદ શક્તિસિંહ ગોહિલે સરકાર પર આકરા પ્રહારો કર્યા છે. શક્તિસિંહ ગોહિલે એક્સ પર ચાર માંગણીઓ કરી છે. તેમણે પોતાના એક્સ એકાઉન્ટ પર મુખ્યમંત્રી ભુપેન્દ્ર પટેલને સંબોધીને લખ્યું કે ફોરેસ્ટ બીટગાર્ડના ઉમેદવારોની માંગણી છે કે વર્તમાનમા GSSSB દ્વારા ફોરેસ્ટનું પરિણામ બહાર પાડવામાં આવ્યું છે. જેમાં વિદ્યાર્થીઓ જોડે મોટાપાયે અન્યાય થયો છે જેથી વિદ્યાર્થીઓમાં ઘણી નારાજગી છે. તેઓની નીચે મુજબની રજૂઆત અને વિનંતી છે.
સરકાર અને મુખ્ય મંત્રીશ્રી @Bhupendrapbjp જી પાસે ફોરેસ્ટ બીટગાર્ડના ઉમેદવારોની માંગણી છે કે વર્તમાનમા GSSSB દ્વારા ફોરેસ્ટ નું Result બહાર પાડવામાં આવ્યું છે જેમાં વિદ્યાર્થીઓ જોડે મોટાપાયે અન્યાય થયો છે જેથી વિદ્યાર્થીઓમાં ઘણી નારાજગી છે. તેઓની નીચે મુજબની રજૂઆત અને વિનંતી છે.…
— Shaktisinh Gohil MP (@shaktisinhgohil) August 5, 2024
સરકાર સમક્ષ કરી રજૂઆતઃ તેમણે સરકાર સમક્ષ ચાર માંગણી કરી છે. ફોરેસ્ટ ગાર્ડ પરિણામમાં ફરીથી સામાન્યીકરણ કરી યોગ્ય રીતે નવું રીઝલ્ટ તૈયાર કરીને 40 ઘણા ઉમેદવારોને ફિઝિકલ માટે બોલાવવા માટેનું લીસ્ટ બહાર પાડવામાં આવે. વર્ષ 2022માં આવેલી ફોરેસ્ટ બીટ ગાર્ડની ભરતી હજુ સુધી પૂર્ણ થયેલ નથી. જેથી આ 2 વર્ષના સમયગાળામાં ખાલી પડેલી જગ્યાઓ ભરવા વર્તમાન જગ્યાઓમાં વધારો કરવામાં આવે. CBRT પદ્ધતિ રદ કરવામાં આવે. 40 ઘણા ઉમેદવારોને ફિઝિકલ માટે બોલાવતું લીસ્ટ જલ્દી જ બહાર પાડવામાં આવે જેથી મધ્યમ વર્ગના ઉમેદવારોને ફિઝિકલની તૈયારી કરવી કે નહિ એનો ખ્યાલ આવે. સરકાર આ ઉમેદવારોને સાંભળી યોગ્ય કાર્યવાહી કરે તેવી વિનંતી છે.
સેન્ટ્રલ ગાર્ડન ખાતે સરકાર વિરોધી નારાબાજીઃ ઉમેદવારો દ્વારા બેઠક વધારવા, પરીક્ષા પદ્ધતિ રદ્દ કરવા તથા પરિણામ જાહેર કરવાની માંગ સાથે દેખાવો કરી રહ્યા છે. પોલીસ ધડપકડ દરમિયાન ઉમેદવારો સાથે અમનવીય વર્તન કરવામાં આવ્યું હોવાનો પણ તેમણે આક્ષેપ કર્યો છે. ઉમેદવારોએ આંખે ભરતા જણાવ્યું કે પોલીસ દ્વારા અમાનવીય રીતે ઉમેદવારોને અટકાયત કરવામાં આવી હતી. આ અટકાયત દરમિયાન એક ઉમેદવારને ગંભીર ઈજા થતા સારવાર માટે સિવિલ હોસ્પિટલમાં ખસેડવામાં આવ્યો છે. તેઓ સેન્ટ્રલ ગાર્ડન ખાતે સરકાર વિરોધી નારાબાજી અને પ્રદર્શન કરી રહ્યા છે. કોઈ અનિચ્છનીય ઘટના ન બને તે માટે સરકાર દ્વારા સેન્ટ્રલ વિસ્ટા ગાર્ડનની આસપાસ ચુસ્ત પોલીસ બંદોબસ્ત ગોઠવી દેવામાં આવ્યો છે. હાલમાં આ ઉમેદવારોને સત્યાગ્રહ સાવણી ખાતે ખસેડવામાં આવ્યા છે.
પરિણામ જાહેર થતા ઉમેદવારોમાં રોષઃ શ્રાવણ મહિનાના પ્રથમ સોમવારથી ફોરેસ્ટ ગાર્ડના ઉમેદવારો ભરતીને લઈ વિરોધ કરી રહ્યા છે. જેમાં ખાસ કરી ભરતી પ્રક્રિયામાં CRBT પધ્ધતિનો ઉમેદવારો વિરોધ કરી રહ્યા છે. આ સાથે મેરીટ લિસ્ટમાં ગુણ દર્શાવવાની પણ ઉમેદવારો માંગ કરી રહ્યા છે. ફોરેસ્ટ ગાર્ડની પરીક્ષાનું પરિણામ જાહેર થયા બાદ ઉમેદવારોમાં રોષ જોવા મળી રહ્યો છે. આ સાથે ઉમેદવારોએ રામકથા મેદાનમાં જ રાતવાસો કર્યો હતો. વહેલી સવારે પોલીસે ઉમેદવારોની અટકાયત કરતા મામલો ગરમાઈ જવા પામ્યો હતો.
નોર્મલાઇઝેશન મેથડ લાગુ કરાઈઃ ખાસ કરીને ફોરેસ્ટનાં દરેક ઉમેદવારની માંગણી છે કે ગૌણ સેવા પસંદગી મંડળ દ્વારા જે પરિણામ પ્રસિદ્ધ કરવામાં આવેલ છે. તેમાં ફક્ત નામ પ્રસિદ્ધ કરવામાં આવેલ છે. તેના બદલામાં દરેક ઉમેદવારના નોર્મલાઇઝેશન મેથડ પહેલા વાસ્તવિક માર્કસ કેટલા હતા. નોર્મલાઇઝેશન મેથડ લાગુ કરવામાં આવ્યા બાદ કોનાં કેટલા માર્કસ ઉમેરવામાં આવ્યા, કેટલા માર્કસ ઘટાડવામાં આવ્યા તેની દરેક માહિતી કેટેગરીવાઈઝ અને માર્કસવાઇઝ પ્રસિદ્ધ કરવાની માંગણી ઉમેદવારોએ કરી છે. જો SSC, CGL, IBPS, RRB, ગુજરાતની પોલીસ ભરતી બોર્ડ તમામ માહિતી સાથ મેરીટ યાદી પ્રસિદ્ધ કરે છે તો ગૌણસેવા શા માટે ન કરે ?
CBRT પરીક્ષા દરમિયાન અગણિતવાર ટેકનિકલ ખામી આવેલ છે. જેથી ઉમેદવારને સમયનું નુકશાન થાય જ છે પરંતુ, તેની સાથે ઉમેદવારને ટેકનિકલ ખામીને કારણે મોરલ પણ ડાઉન થઈ જતું હોઈ છે. અને નિરાશ થઈ જતા હોઈ છે જેથી નિયત કરેલ સમયમાં દરેક પ્રશ્નને ન્યાય નથી આપી શકતા. દરેક ઉમેદવારનું માનવું છે કે સિંગલ પેપર પરીક્ષા જ બધા માટે સમાન તક અમે સમાન અવસરની હોઈ શકે છે.
