વીજળીના ચમકારા સાથે રાજકોટમાં બે દિવસથી વરસાદી વાતાવરણ, વરસતા વરસાદની વચ્ચે વૃક્ષ પર વીજળી પડી હોવાના લાઈવ દ્રશ્યો - Heavy rain in Rajkot district

સૌરાષ્ટ્રના કેટલાક જિલ્લાઓ અને દક્ષિણ ગુજરાતના કેટલાક જિલ્લાઓમાં વિધિવત રીતે ચોમાસુ બેસી ગયું છે અને વરસાદ વરસી રહ્યો છે. ત્યારે ગોંડલ તાલુકાના વેજાગામમાં વરસતા વરસાદની વચ્ચે વૃક્ષ પર વીજળી પડી હોવાના લાઈવ દ્રશ્યો કેમેરામાં કેદ થયા હતા. Heavy rain in Rajkot district

રાજકોટ: રાજ્યમાં ધીમે-ધીમે વરસાદી માહોલ જામી રહ્યો છે, જેમાં અનેક જિલ્લાઓ વરસાદથી તરબોળ થઇ રહ્યા છે. આ વરસાદમાં સૌરાષ્ટ્રના કેટલાક જિલ્લાઓ અને દક્ષિણ ગુજરાતના કેટલાક જિલ્લાઓમાં વિધિવત રીતે ચોમાસુ બેસી ગયું છે અને વરસાદ વરસી રહ્યો છે. ત્યારે ગોંડલ તાલુકાના વેજાગામમાં વરસતા વરસાદની વચ્ચે વૃક્ષ પર વીજળી પડી હોવાના લાઈવ દ્રશ્યો કેમેરામાં કેદ થયા હતા. ગોંડલ પંથકમાં પડેલા વરસાદની સાથે વીજળી પડવાના દ્રશ્યો પણ કેમેરામાં કેદ થયા છે.

વીજળીના ચમકારા કેમરામાં થયા કેદ: ગોંડલ તાલુકાના વેજાગામના શંકર ભગવાનના મંદિર પાસે આવેલા પીપળાના વૃક્ષ પર વરસતા વરસાદમાં વીજળી પડી હતી. આ અંગે વેજાગામ સરપંચના પ્રતિનિધિ જીતુભાઈ ભાલાળાએ જણાવ્યું હતું કે, બપોર બાદ આશરે 4 વાગ્યાની આસપાસ વીજળી પડવાના દ્રશ્યો કેમેરામાં કેદ થયા હતા. પીપળાનું વૃક્ષ સામાન્ય એવું બળ્યું પણ છે. નજીકમાં નદી હોવાથી નદીમાં વીજળી પડી હોવાનું અનુમાન છે. વધુમાં કોઈ જાનહાનિ થઈ નથી. હાલ વેજાગામની નદીમાં વરસાદના કારણે પુર જોવા મળ્યું હતું.

જસદણના સાણથલી ગામે બે ઇંચ જેટલો વરસાદ પડ્યો (Etv Bharat Gujarat)