ગુજરાતમાં 7 મેના મતદાનની દિવસે રહેશે જાહેર રજા, સરકારે જાહેર કર્યો પરિપત્ર - ગુજરાતમાં 7 મેના જાહેર રજા

ગુજરાતમાં ત્રીજા તબક્કામાં મતદાન યોજાશે. 7 મેના રોજ મતદારો મતદાન કરશે. જેને લઈને ગાંધીનગર સચિવાલય દ્વારા પરિપત્ર જાહેર કરવામાં આવ્યો છે.

ગાંધીનગર: લોકસભા ચૂંટણીને લઈ ગુજરાત સરકાર દ્વારા મહત્વની જાહેરાત કરી છે. ગુજરાતમાં મતદાનનાં દિવસે એટલે કે 7મેના રોજ જાહેર રજા રહેશે. સામાન્ય વહિવટ વિભાગે પરિપત્ર જાહેર કરીને આ અંગે માહિતી આપી છે.

ગુજરાતમાં 7 મેના મતદાનની દિવસે રહેશે જાહેર રજા

7 મેના રોજ ગુજરાત લોકસભાની સામાન્‍ય ચુંટણી અને ગુજરાત વિધાનસભાની વિજાપુર, ખંભાત, વાધોડીયા, માણાવદર અને પોરબંદરની ખાલી પડેલ ૫ (પાંચ) બેઠકો માટે પેટા ચૂંટણી યોજાશે. જેને લઈને ગુજરાત રાજયમાં જાહેર રજા જાહેર કરાઈ છે.