PM મોદી અને સ્પેનના પીએમ ગુજરાતના પ્રવાસે, જાણો આજે ક્યાં ક્યા કાર્યક્રમમાં આપશે હાજરી

સ્પેન અને દેશના વડાપ્રધાન નરેન્દ્ર મોદી ગુજરાતની ઐતિહાસિક મુલાકાતે આવી રહ્યાં છે, ત્યારે સ્પેનના વડાપ્રધાન પેડ્રો સાંચેઝ સોમવારે સવારે ગુજરાતના વડોદરા પહોંચ્યા હતા.

વડોદરા: વડા પ્રધાન નરેન્દ્ર મોદી આજે સોમવારે, 28 ઓક્ટોબરે સ્પેનના પીએમ પેડ્રો સાંચેઝ સાથે વડોદરામાં ટાટા એડવાન્સ્ડ સિસ્ટમ્સ લિમિટેડ (TASL) કેમ્પસમાં C-295 એરક્રાફ્ટના ઉત્પાદન માટે ટાટા એરક્રાફ્ટ કોમ્પ્લેક્સનું સંયુક્તપણે ઉદ્ઘાટન કરશે.

સ્પેનના વડાપ્રધાન પેડ્રો સાંચેઝ ભારતની ત્રણ દિવસની મુલાકાતે સોમવારે સવારે ગુજરાતના વડોદરા પહોંચ્યા હતા. આ દરમિયાન તેઓ વડાપ્રધાન નરેન્દ્ર મોદી સાથે પ્રતિનિધિમંડળ સ્તરની વાતચીત કરશે.તેમના આગમન પર, વિદેશ મંત્રાલયે સ્પેનિશ નેતાને સોશિયલ મીડિયા પ્લેટફોર્મ X પર અભિનંદન પાઠવ્યા અને લખ્યું, "Bienvenido a India!"

વિદેશ મંત્રાલયે જણાવ્યું હતું કે, "સ્પેન સરકારના પ્રમુખ પેડ્રો સાંચેઝ વડોદરા પહોંચ્યા. 18 વર્ષમાં સ્પેનના વડાપ્રધાનની ભારતની આ પ્રથમ મુલાકાત છે. ભારત-સ્પેનના સંબંધોને નવી ઊંચાઈએ લઈ જવાની આ સત્તાવાર મુલાકાત છે." વડોદરા ઇન્ટરનેશનલ એરપોર્ટ પર વિદેશ સચિવ વિક્રમ મિસ્ત્રીએ વડાપ્રધાન સાંચેઝનું સ્વાગત કર્યું હતું.

Bienvenido a India!

President of the Government of Spain @sanchezcastejon touches down in Vadodara, marking the first visit by a Spanish President to 🇮🇳 in 18 years.

An official visit to elevate 🇮🇳-🇪🇸 relations to new heights. pic.twitter.com/c95RU3ZGj7

— Randhir Jaiswal (@MEAIndia) October 27, 2024

વડાપ્રધાન નરેન્દ્ર મોદીએ 30 ઓક્ટોબર, 2022ના રોજ C 295 એરક્રાફ્ટ મેન્યુફેક્ચરિંગ ફેસિલિટી કોમ્પ્લેક્સના નિર્માણ માટે શિલાન્યાસ કર્યો હતો. વડોદરા સ્થિત ટાટાના આ એરક્રાફ્ટ કોમ્પ્લેક્સમાં કુલ 40 C 295 એરક્રાફ્ટનું ઉત્પાદન કરવામાં આવશે. વડોદરામાં 28 ઓક્ટોબરથી શરૂ થયેલું આ સંકુલ બે વર્ષમાં પૂર્ણ થયું હતું. દેશમાં ખાનગી ક્ષેત્રની આ પ્રથમ એરક્રાફ્ટ મેન્યુફેક્ચરિંગ ફેસિલિટી છે.

માનનીય પ્રધાનમંત્રી શ્રી @narendramodi જીના ગુજરાતમાં સાર્વજનિક કાર્યક્રમો

🗓️ 28 ઑક્ટોબર, 2024 - સોમવાર

લાઈવ નિહાળો:
* https://t.co/dSqhPS9V6b
* https://t.co/k3tr0NavcC
* https://t.co/gDXaSM7RFO pic.twitter.com/S1bfN1ACiP

— BJP Gujarat (@BJP4Gujarat) October 27, 2024

PM મોદીનો 28 ઓક્ટોબરનો સંપૂર્ણ કાર્યક્રમ

વડોદરામાં એરક્રાફ્ટ કોમ્પ્લેક્સનું ઉદ્ઘાટન:

PM મોદી વડોદરા સ્થિત TASL કેમ્પસમાં સવારે 9 વાગ્યે સ્પેનના PM સાથે એરક્રાફ્ટ કોમ્પ્લેક્સનું ઉદ્ઘાટન કરશે.

સ્પેનના પીએમ સાથે લક્ષ્મી વિલાસ પેલેસમાં મુલાકાત:

પીએમ મોદી અને સ્પેનના પીએમ પેડ્રો સાંચેઝ સવારે 10 વાગ્યે વડોદરાના ભવ્ય લક્ષ્મી વિલાસ પેલેસમાં મુલાકાત કરશે

દુધાળામાં ભારત માતા સરોવરનું ઉદ્ઘાટન:

બપોરે 1.45 કલાકે અમરેલી જિલ્લાના દુધાળા ગામે ભારત માતા સરોવરનું ઉદ્ઘાટન કરશે.

4,800 કરોડના વિકાસ કાર્યોનો શિલાન્યાસ-ઉદ્ધાટન

પીએમ મોદી બપોરે 2 વાગ્યે અમરેલી જિલ્લાના લાઠીમાં 4,800 કરોડ રૂપિયાના વિકાસ કાર્યોનો શિલાન્યાસ અને ઉદ્ઘાટન કરશે.

નારણ સરોવર અને હૈત કી હવેલીની મુલાકાત

પીએમ મોદી બપોરે 3 વાગ્યે અમરેલી જિલ્લાના દુધાળા ખાતે નારણ સરોવર અને હૈત કી હવેલીની મુલાકાત લેશે.