જામનગર: દેશભરમાં ગણેશ ઉત્સવ પૂરજોશમાં ચાલી રહ્યો છે અને ગણેશ પંડાલોમાં ભક્તોની ભારે ભીડ જોવા મળી રહી છે. આ દરમિયાન ભાજપના ધારાસભ્ય રીવાબા જાડેજાનો એક વીડિયો સામે આવ્યો છે. જેમાં તે તેમના મત વિસ્તાર જામનગર ઉત્તરમાં ભગવાન ગણેશજીના પંડાલમાં લાડુ બનાવતા જોવા મળી રહ્યા છે.
ભગવાન ગણેશને 4,000 લાડુનો ભોગ: ધારાસભ્ય રીવાબાએ કહ્યું કે, 'દેશભરમાં ગણેશ મહોત્સવનું આયોજન અને ઉજવણી કરવામાં આવી રહી છે. અહીં ભગવાન ગણેશને 4,000 લાડુ ચઢાવવામાં આવે છે અને અમારી 50 થી વધુ બહેનો આ માટે કામ કરી રહી છે. હું દરેકને મારી શુભકામનાઓ આપું છું. આ પ્રસંગે હું આયોજકોનો પણ આભાર માનું છું. ઓલરાઉન્ડર રવિન્દ્ર જાડેજાએ ટી20 વર્લ્ડ કપ 2024 પછી નિવૃત્તિની જાહેરાત કરી છે અને તે પોતાની પત્ની રીવાબા સાથે નવી ઇનિંગ શરૂ કરવાની યોજના બનાવી રહ્યો છે.
રવિન્દ્ર જાડેજાએ ભાજપનું સભ્યપદ લીધું: રવિન્દ્ર જાડેજાએ પણ પત્નીની જેમ રાજકારણ તરફ વળ્યા અને ભાજપનું સભ્યપદ લીધું છે. રીવાબા જાડેજાએ સોશિયલ મીડિયા પ્લેટફોર્મ X પર એક પોસ્ટ કરીને આ માહિતી આપી હતી. રવિન્દ્રએ તેની પત્ની રીવાબા માટે પ્રચાર પણ કર્યો હતો અને તે ઘણા રોડ શોમાં પણ જોવા મળ્યો હતો. તેમના પત્ની રીવાબા 5 વર્ષ પહેલા ભાજપમાં જોડાયા હતા. 2022 માં, પાર્ટીએ તેમને જામનગર વિધાનસભા બેઠક પરથી મેદાનમાં ઉતાર્યા હતા. જેમાં તેઓ જીત્યા હતા.
આ પણ જાણો:
