અમદાવાદ: લાંચિયા અધિકારીઓના પકડાવાના તમે અનેક કિસ્સાઓ જોયા અને સાંભળ્યા હશે. પરંતુ હાલ ગુજરાતનો એક વીડિયો ખૂબ જ ચર્ચામાં છે. જેમાં એક અધિકારીના ટેબલ પર સ્થાનિક લોકો પોતાની સમસ્યાઓનો ઉકેલ ન આવતા નોટોનો વરસાદ કરી રહ્યા છે. મોટી સંખ્યામાં ટોળું ઓફિસમાં ઘુસી જાય છે અને અધિકારી કંઈ સમજે તે પહેલા જ નોટોના વરસાદથી ટેબલ ભરી દે છે અને અનેક રજૂઆતો કરવા છતાં અધિકારી તેમની સમસ્યા દૂર ન કરતા હોવાની ફરિયાદ કરી રહ્યા છે. જોકે ગુજરાતમાં આ વીડિયો કયા વિસ્તારનો છે તે અંગે માહિતી સામે આવી નથી.
વીડિયોમાં શું દેખાઈ રહ્યું છે?
વિરોધ કરવા આવેલા લોકોએ ગળામાં કાર્ડ લટકાવ્યા હતા, જેમાં બિલ્ડર તેમજ અન્ય નામ લખીને વિરોધ પ્રદર્શન કરવામાં આવ્યું હતું. વાયરલ થયેલા વીડિયો કેપ્શનમાં લખ્યું છે કે, "લે ખા.. કેટલી હરામની કમાઈ ખાઈશ, જનતાએ એમની જ ભાષામાં આપ્યો જવાબ" ઉપરાંત કટાક્ષ કરતાં લખ્યું છે કે, "હવે અધિકારીઓ પણ શું કરે તેમને પણ જોબ માટે કેટલી બધી રિશ્વત આપી હશે. હવે તે તેના માલિકોને (ઉચ્ચ અધિકારીઓ) આપશે? આ અનુમાન લગાવવું પણ જરૂરી છે.
ले खा ! कितनी हराम की कमाई खायेगा, जनता ने दिया उसी भाषा में जवाब
— कलम की चोट (@kalamkeechot) January 12, 2025
अब अधिकारी भी क्या करे उन्हें जॉब पाने के लिए कितनी रिश्वत दी होगी ? अब अपने आका(उच्च अधिकारियों) को दे रहा होगा ? इसका अंदाजा भी लगाना जरूरी है #viralvideo गुजरात का बताया जा रहा है। pic.twitter.com/Zru5e2TYZk
અનેક રજૂઆત છતાં કામ ન થવાથી લોકો વિફર્યા
વીડિયોમાં સ્થાનિક લોકો અધિકારીને પ્રશ્ન કરી રહ્યા છે કે, "અમારી તકલીફ માટે તમે શું પગલાં લીધા? હજુ પણ આમને આમ રસ્તા છે. સોસાયટીમાં ગટરના પાણી એમને એમ વહે છે, ત્રણ વર્ષ થઈ ગયા અને ગટરના પાણીમાં અમે એમને એમ અડધા પગે જઈએ છીએ. અમે કહી કહીને થાકી ગયા છીએ. કોઈ અલ્ટીમેટમ નથી અમારા માટે. ચીફ ઓફિસર મુર્દાબાદ, આ ચશ્મા ભાજપના કાઢો અને ઓફિસના પહેરો... મને જવાબ આપો...અમને મામુ બનાવે છે, કેટલી રૂપિયાથી મહોબ્બત છે, લો પૈસા લો... લો પૈસા લો..." ના નારા લગાવ્યા હતા અને વિરોધ દર્શાવ્યો હતો.
આ સમગ્ર વિરોધ દરમિયાન અધિકારી તેની સીટ પર જનતા સામે હાથ જોડીને બેસી રહ્યા હતા અને તેઓ મોઢામાંથી એક શબ્દ પણ ઉચ્ચાર્યો નહોતો. આસપાસ ઊભી જાહેર જાનતા સમગ્ર ઘટનાનો વીડિયો પોતાનાા ફોનમાં ઉતારી રહી હતી.
આ પણ વાંચો:
