અમદાવાદ: ગુજરાત હાઇકોર્ટમાં હેલ્મેટના નિયમો અને ટ્રાફિકની સમસ્યા અંગે વારંવાર ટકોર કરવામાં આવે છે, તો પણ તેના ઉપર કોઈ ધ્યાન આપતું નથી. ફરજિયાત હેલ્મેટ અંગે આજે ગુજરાત હાઇકોર્ટમાં સુનાવણી હાથ ધરવામાં આવી. હાઇકોર્ટે કહ્યું કે "જે લોકો હેલ્મેટ વગર દેખાય એને ઓફિસના સમયે દરમિયાન ત્યાં જ રોકી રાખો, ભલે તેમને મોડુ થાય પણ તેમને ત્યાંથી હલવા ના દો, ઓફિસમાં જ્યારે તેમને ઠપકો પડશે ત્યારે તેમને ખબર પડશે કે હેલ્મેટ પહેરવું ફરજિયાત છે"
આ અંગે ચીફ જસ્ટિસ સુનિતા અગ્રવાલ અને જસ્ટિસ પ્રણવ ત્રિવેદીની ખંડપીઠે સુનાવણી કરતા હેલ્મેટ નિયમ અંગે કેટલું કામ કરવામાં આવ્યું અને અને હેલ્મેટ અમલવારી માટે શું પગલાં લેવામાં આવે તેના વિશે વિશ્લેષણ કર્યું. સુનાવણી દરમિયાન ખંડપીઠે કહ્યું કે, જો લોકો હેલ્મેટ નથી પહેરતા તો તેમને ત્યાં જ પકડીને રાખો, જેથી તેઓ ઓફિસ જતા હોય તો તેમને મોડું થાય તો જ તેમને ખબર પડશે કે હેલ્મેટ પહેરવું કે નહીં.
સુનાવણી દરમિયાન એ પણ કહેવામાં આવ્યું કે અમદાવાદ-ગાંધીનગર હાઇવે ઉપર ટ્રાફિક સૌથી વધારે હોય છે, લોકોની અવરજવર પણ વધારે હોય છે, એવી જગ્યાએ ઉપર એક ચેક પોસ્ટ ઉભી કરીને લોકોને હેલ્મેટના નિયમોનો અમલ કરાવો અને એમનામાં જાગૃતિ લાવવું જોઈએ અને એના માટે ટેકનોલોજીનો પણ ઉપયોગ કરવો જોઈએ.
ઉલ્લેખનીય છે કે, ટ્રાફિકની સમસ્યા, રોડ-રસ્તાઓ અને ફલાઈ ઓવર બાબતે ગુજરાત હાઇકોર્ટમાં એક જાહેરહીતની અરજી કરવામાં આવી હતી. ગુજરાત હાઇકોર્ટના કર્મચારીઓ માટે હેલ્મેટ ફરજિયાત અંગે જસ્ટિસ પાવર ઓફ ત્રિવેદી કહ્યું કે, અમે એક પરિપત્ર બહાર પાડીને હાઇકોર્ટના કર્મચારીઓ માટે હેલ્મેટ ફરિયાદ બનાવવા માટે વિચારી રહ્યા છીએ.
