રાજકોટ: સેન્ટ્રલ બ્યુરો ઑફ ઇન્વેસ્ટિગેશન (CBI)એ આજે CGST અધિકારીને લાંચ લેતા ઝડપ્યો છે. નવીન ધનકર નામનો ઇન્સ્પેક્ટર 2.5 લાખ રૂપિયાની લાંચ લેતા ઝડપાયો છે. ઇન્સ્પેક્ટરે GST નંબર કેન્સલ કરી દેવાની ધમકી આપી હતી. CBIએ ઇન્સ્પેક્ટર ધનકરના ઘરે તપાસ શરૂ કરી છે.
જેમાં આરોપ લગાવ્યો હતો કે, આરોપીએ ફરિયાદી પાસેથી રૂ. 2.50 લાખની લાંચ માંગી હતી. જેઓ ખાનગી પેઢીના અધિકૃત એજન્ટ હતા. એવો પણ આક્ષેપ કરવામાં આવ્યો હતો કે, ફરિયાદી અને પેઢીના માલિક પાસેથી તેઓ ખોટો ધંધો કરી રહ્યા છે અને વાસ્તવમાં માલની હેરફેર કરતા નથી તેવી માગણીઓ કરવામાં આવી હતી.
આરોપીઓએ કથિત રીતે ફરિયાદીને જાણ કરી હતી કે, જો તેઓ ધંધો ચાલુ રાખવા માંગતા હોય તો તેમને ગેરકાયદેસર લાંચ આપવી પડશે અન્યથા તેમનો GST નંબર રદ કરવામાં આવશે. CBIએ છટકું ગોઠવીને આરોપીને ફરિયાદી પાસેથી રૂ. 2.50 લાખની લાંચની માંગણી કરતા અને સ્વીકારતા રંગે હાથે પકડી પાડ્યો હતો.
