નવી દિલ્હીઃ વિમેન્સ પ્રીમિયર લીગ 2024ની ફાઈનલ મેચ આજે રમાશે. ગયા મહિને શરૂ થયેલી આ લીગ આજે નવી ટીમ ચેમ્પિયન બનવા સાથે પૂરી થશે. જે જીતશે તે પ્રથમ વખત ચેમ્પિયન બનશે. ગત વખતે મુંબઈ ઈન્ડિયન્સે દિલ્હીને હરાવીને પ્રથમ સિઝનનો ખિતાબ જીત્યો હતો. દિલ્હી સતત બીજી વખત ફાઇનલમાં પહોંચી છે અને આ વખતે ટ્રોફી પોતાની સાથે લેવાનો પ્રયાસ કરશે.
RCB પ્રથમ વખત ફાઇનલમાં: બીજી તરફ બેંગ્લોર પ્રથમ વખત ફાઇનલમાં પહોંચી છે.પ્રશંસકોને મંધાનાની કેપ્ટનશીપમાં બેંગ્લોર પાસેથી ઘણી અપેક્ષાઓ છે. કારણ કે ટીમ સ્ટાર ખેલાડીઓથી ભરેલી છે. મંધાના, એલિસા પેરી, શ્રેયંકા પાટિલ અને સોફી ડિવાઇન જેવી ખેલાડીઓ છે. દિલ્હીમાં, જ્યાં જેમિમાહ રોડ્રિગ્સ, મેગ લેનિંગ, શેફાલી વર્મા, એલિસા કેપ્સી, એનાબેલ સધરલેન્ડ સ્ટાર ખેલાડીઓ છે.
એલિસા પેરીનો પ્રભાવશાળી દેખાવ: એલિસા પેરીએ આ ટુર્નામેન્ટમાં અત્યાર સુધી શાનદાર પ્રદર્શન કર્યું છે. સેમિફાઇનલ મેચમાં તેણે 66 રનની શાનદાર ઇનિંગ રમી હતી, જેના આધારે બેંગ્લોર તેના નાના લક્ષ્યને બચાવવામાં સફળ રહી હતી. પેરીએ આ ટુર્નામેન્ટમાં અત્યાર સુધીમાં સૌથી વધુ 312 રન બનાવ્યા છે અને તે બેંગ્લોરની ભરોસાપાત્ર ઓલરાઉન્ડ ખેલાડી છે.
લેનિંગ અને શેફાલી વર્મા પર સૌની નજર: દિલ્હી કેપિટલ્સની મજબૂતી તેમની બેટિંગમાં રહેલી છે, જેમાં કેપ્ટન લેનિંગ અને શેફાલી વર્માની વિસ્ફોટક ઓપનિંગ જોડી અગ્રેસર છે. લેનિંગે આ વર્ષે 308 રન બનાવ્યા છે અને તે સૌથી વધુ રન બનાવનારની યાદીમાં બીજા સ્થાને છે. શેફાલી પણ વિસ્ફોટક ફોર્મમાં છે. તેણે સતત બે અડધી સદી સાથે ટૂર્નામેન્ટની શરૂઆત કરી, અને ગુજરાત જાયન્ટ્સ સામે તેની છેલ્લી રમતમાં 37 બોલમાં 71 રન બનાવ્યા.
દિલ્હી કેપિટલ્સ: મેગ લેનિંગ (કેપ્ટન), લૌરા હેરિસ, તાન્યા ભાટિયા, જેમિમાહ રોડ્રિગ્સ, શેફાલી વર્મા, એલિસ કેપ્સી, મરિયાને કેપ્પ, શિખા પાંડે, અન્નાબેલ સધરલેન્ડ, જેસ જોનાસન, મિન્નુ મણિ, પૂનમ યાદવ, અરુંધતિ રેડ્ડી, તિતાસ સાધુ, રાધા યાદવ, અશ્વિની કુમારી, અપર્ણા મંડલ, વી સ્નેહા દીપ્તિ
રોયલ ચેલેન્જર્સ બેંગ્લોર: સ્મૃતિ મંધાના (કેપ્ટન), રિચા ઘોષ, દિશા કાસાટ, એસ મેઘના, ઈન્દ્રાણી રોય, સતીશ શુભા, હીથર નાઈટ, સિમરન બહાદુર, એન ડી ક્લાર્ક, સોફી ડિવાઈન, શ્રેયંકા પાટીલ, એલિસ પેરી, આશા શોભના, એકતા બિશ્ટ, કેટ ક્રોસ, સોફી મોલિનાઉ, શ્રદ્ધા પોખરકર, રેણુકા સિંહ, જ્યોર્જિયા વેરહેમ
