પુણે: ભારત અને ન્યુઝીલેન્ડ ક્રિકેટ ટીમ વચ્ચે ત્રણ મેચની ટેસ્ટ શ્રેણીની બીજી મેચ પુણેના મહારાષ્ટ્ર ક્રિકેટ એસોસિએશન મેદાન પર રમાઈ રહી છે. ન્યૂઝીલેન્ડની ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. પરંતુ તેની ઈનિંગ્સ 259 રન પર સમાપ્ત થઈ ગઈ હતી. બેંગલુરુ ટેસ્ટમાં 8 વિકેટથી હાર્યા બાદ ભારતીય ટીમે મેચ માટે પોતાની પ્લેઈંગ ઈલેવનમાં ત્રણ મોટા ફેરફાર કરવાનો નિર્ણય કર્યો છે, જેમાં શુભમન ગિલની વાપસી નિશ્ચિત માનવામાં આવે છે.
આ સિવાય આકાશ દીપ અને વોશિંગ્ટન સુંદર પણ સામેલ હતા. લાંબા સમય બાદ ટેસ્ટ ટીમમાં વાપસી સાથે વોશિંગ્ટન સુંદરે રમતની છેલ્લી બે સીઝનમાં પોતાની બોલિંગથી બધાને પ્રભાવિત કર્યા છે. તેણે સાત વિકેટ લઈને કિવી ટીમની બેટિંગનો નાશ કર્યો હતો.
Make That SIX
— BCCI (@BCCI) October 24, 2024
Washington Sundar is making merry! 🙌 🙌
Live ▶️ https://t.co/YVjSnKCtlI #TeamIndia | #INDvNZ | @IDFCFIRSTBank pic.twitter.com/tQ1i1siEuH
1329 દિવસ પછી ટેસ્ટ વાપસી:
વોશિંગ્ટન સુંદરે માર્ચ 2021માં ઈંગ્લેન્ડના ભારત પ્રવાસ દરમિયાન તેની છેલ્લી ટેસ્ટ મેચ રમી હતી. જે બાદ આજે તે ટેસ્ટ ટીમમાં પરત ફર્યો છે. આવી સ્થિતિમાં, જ્યારે પુણે ટેસ્ટ મેચમાં તેણે પોતાના શાનદાર ઓફ-સ્પિન બોલથી રચિન રવિન્દ્રને આઉટ કરીને મેચની પ્રથમ વિકેટ લીધી, ત્યારે તેને 1329 દિવસ પછી તેની પ્રથમ ટેસ્ટ વિકેટ મળી. ચોથી વિકેટ માટે રચિન રવિન્દ્ર અને ડેરિલ મિશેલ વચ્ચેની ખતરનાક ભાગીદારીને તોડવાનું કામ સુંદરે કર્યું હતું. આ સિવાય તેણે છ વિકેટ લઈને કેપ્ટનના નિર્ણયને સાચો સાબિત કર્યો છે.
Washington Sundar's seven-wicket haul bowls New Zealand out for 259.#WTC25 #INDvNZ 📝: https://t.co/JOcmCnisVQ pic.twitter.com/74Zr21ngRf
— ICC (@ICC) October 24, 2024
ભારતીય ટીમ સિરીઝ બરોબરી કરવાનો પ્રયાસ:
બેંગલુરુ ટેસ્ટ મેચમાં હાર બાદ ભારતીય ટીમ હવે પુણે ટેસ્ટ મેચ જીતીને સિરીઝ બરોબરી કરવાનો પ્રયાસ કરી રહી છે. કિવી ટીમ આ મેચમાં 2 અગ્રણી સ્પિનરો સાથે રમી રહી છે, જેમાં મિચેલ સેન્ટનર પણ પ્લેઈંગ ઈલેવનમાં સામેલ છે. કિવી ટીમનો પ્રથમ દાવ 259 રન પર સમાપ્ત થયો હતો. ભારત તરફથી વોશિંગ્ટન સુંદરે સૌથી વધુ સાત વિકેટ લીધી હતી. અશ્વિને પણ 3 વિકેટ લઈને કીવી ટીમને સ્પિન જાળમાં ફસાવી દીધી હતી.
આ પણ વાંચો:
