મુંબઈ: આજે અમદાવાદમાં કોલકાતા નાઈટ રાઈડર્સ અને હૈદરાબાદ સનરાઈઝર્સ વચ્ચે ક્વોલિફાઈંગ 1 મેચ રમાશે. જેના માટે શાહરૂખ ખાન અમદાવાદ પહોંચી ગયો છે. તેના પછી હવે તેની પુત્રી સુહાના ખાન, અનન્યા પાંડે, નવ્યા નંદા અને તેના ભાઈ અગસ્ત્ય નંદા અને શનાયા કપૂર સાથે 21 મેના રોજ મુંબઈના એક ખાનગી એરપોર્ટ પર જોવા મળ્યા હતા. અહેવાલો અનુસાર, સ્ટાર કિડ્સ KKR vs SRH મેચ માટે અમદાવાદ જઈ રહ્યા છે.
શાહરૂખ ખાન પહોંચી ચૂક્યો છે અમદાવાદ: બોલિવૂડનો બાદશાહ શાહરૂખ ખાન પોતાની ટીમ KKRને પ્રોત્સાહિત કરવા અમદાવાદ પહોંચી ગયો છે. 20મી મેના રોજ મતદાન કર્યા બાદ, શાહરૂખ ખાન કેકેઆરની મહત્વની મેચનો ભાગ બનવા માટે શહેરમાં પહોંચ્યો હતો. એરપોર્ટથી નીકળતી તેની તસવીરો અને વીડિયો સોશિયલ મીડિયા પર વાયરલ થઈ રહ્યા છે. તેમના પછી તેમના બાળકો પણ એરપોર્ટ પર જોવા મળ્યા હતા. રિપોર્ટ્સનું માનીએ તો સુહાના ખાન સાથે અનન્યા પાંડે, શનાયા કપૂર, અગસ્ત્ય નંદા પણ જોવા મળી હતી.
KKR માટે ખાસ આ મેચ: આજે 21 મેના રોજ, KKR અને SRH અમદાવાદના નરેન્દ્ર મોદી સ્ટેડિયમ ખાતે ક્વોલિફાઈ 1 માટેની મેચમાં મેદાનમાં ઉતરશે. આ વર્ષે IPL પ્લેઓફમાં પહોંચનારી KKR પ્રથમ ટીમ હતી, જ્યારે બીજી તરફ SRH છેલ્લી મેચમાં પંજાબને હરાવીને બીજા સ્થાને પહોંચી હતી. જે પણ ટીમ ક્વોલિફાયર 1 મેચ જીતશે તે સીધી ફાઇનલમાં જશે.
