પલ્લેકલે: શ્રીલંકા અને વેસ્ટ ઈન્ડિઝ વચ્ચેની ત્રણ મેચની ODI શ્રેણીની ત્રીજી અને છેલ્લી મેચ આજે 26 ઓક્ટોબરે રમાશે. બંન્ને ટીમો વચ્ચેની આ મેચ પલ્લેકેલેના પલ્લેકેલે ઈન્ટરનેશનલ ક્રિકેટ સ્ટેડિયમમાં બપોરે 2.30 વાગ્યાથી રમાશે. બીજી વન-ડેમાં શ્રીલંકાએ વેસ્ટ ઈન્ડિઝને પાંચ વિકેટથી હરાવીને શ્રેણીમાં 2-0ની સરસાઈ મેળવી લીધી છે. હવે ત્રીજી વનડેમાં શ્રીલંકા ક્લીન સ્વીપના ઈરાદા સાથે ઉતરશે જ્યારે વેસ્ટ ઈન્ડિઝ વ્હાઇટ વોશથી બચવા ઈચ્છશે. શ્રીલંકાની કપ્તાની ચરિથ અસલંકા કરી રહ્યા છે. વેસ્ટ ઈન્ડિઝની કેપ્ટનશીપ શાઈ હોપ કરી રહ્યો છે.
શ્રીલંકાની બોલિંગ મજબૂતઃ
આ શ્રેણીમાં શ્રીલંકાનું પ્રદર્શન શાનદાર રહ્યું છે. પ્રથમ અને બીજી વનડેમાં શ્રીલંકાના બોલરોએ વેસ્ટ ઈન્ડિઝના બેટ્સમેનો પર પ્રભુત્વ જમાવ્યું હતું. અસિથા ફર્નાન્ડો, વનિંદુ હસરાંગા અને મહિષ તિક્ષાનાની સ્પિન અને ઝડપી બોલિંગે વિરોધી બેટ્સમેનોને રન બનાવવાની એક પણ તક આપી ન હતી. છેલ્લી મેચમાં શ્રીલંકાના કેપ્ટન ચરિથ અસલંકાએ પણ મહત્વની અડધી સદી ફટકારીને ટીમની જીતમાં મહત્વની ભૂમિકા ભજવી હતી.
WI keep rallying'💪🏾
— Windies Cricket (@windiescricket) October 25, 2024
Tune in for the third & final ODI v Sri Lanka, tomorrow!📺🤳🏾#SLvWI | #MenInMaroon pic.twitter.com/YOvKZ9Qfnw
વેસ્ટ ઈન્ડિઝનો સંઘર્ષઃ
બીજી તરફ વેસ્ટ ઈન્ડિઝની ટીમ આ સિરીઝમાં સંઘર્ષ કરતી જોવા મળી રહી છે. બીજી વનડેમાં શ્રીલંકાના સ્પિનરો સામે વેસ્ટ ઈન્ડિઝની બેટિંગ ખરાબ રીતે ફ્લોપ રહી હતી. શેરફાન રધરફર્ડ અને ગુડકેશ મોતીએ શાનદાર પ્રદર્શન કર્યું હતું અને 119 રનની ભાગીદારી કરીને ટીમના સ્કોરને સન્માનજનક સ્તરે લઈ ગયા હતા. જોકે ટીમે બેટિંગ અને બોલિંગમાં વધુ સુધારો કરવાની જરૂર છે.
બંને ટીમનો હેડ ટુ હેડ રેકોર્ડઃ
શ્રીલંકા અને વેસ્ટ ઈન્ડિઝ વચ્ચે અત્યાર સુધીમાં 66 ODI મેચ રમાઈ છે. જેમાં શ્રીલંકાની ટીમે 32 મેચ જીતી છે અને વેસ્ટ ઈન્ડિઝે 31 મેચ જીતી છે. જેથી 3 મેચમાં કોઈ પરિણામ આવ્યું ન હતું. બંને ટીમો વચ્ચે શ્રીલંકાની ધરતી પર 19 ODI મેચ રમાઈ છે. આ દરમિયાન શ્રીલંકાએ 14 મેચ જીતી છે. વેસ્ટ ઈન્ડિઝની ટીમ માત્ર 3 મેચ જ જીતવામાં સફળ રહી છે. 2 મેચમાં કોઈ પરિણામ આવ્યું નથી. આ શ્રેણીમાં શ્રીલંકાનો દબદબો રહ્યો છે.
પીચ રીપોર્ટ: શ્રીલંકા અને વેસ્ટ ઈન્ડિઝ વચ્ચે ત્રીજી ODI મેચ 26 ઓક્ટોબરે પલ્લેકેલે ઈન્ટરનેશનલ ક્રિકેટ સ્ટેડિયમમાં રમાશે. આ પીચ પર સ્પિનરોને ઘણી મદદ મળે છે. તાજેતરની મેચોમાં પણ સ્પિનરોએ શાનદાર પ્રદર્શન કર્યું છે. પીચ પર રન બનાવવો બેટ્સમેનો માટે થોડો મુશ્કેલ બની શકે છે. પીચની સપાટી ધીમી હોવાને કારણે બીજી ઇનિંગ્સમાં બેટિંગ કરવી સરળ રહેશે નહીં. આ પિચ પર સરેરાશ સ્કોર 240-250 વચ્ચે હોઈ શકે છે. આ પિચ પર ટોસ જીત્યા બાદ પહેલા બોલિંગ કરવી વધુ સારું રહેશે, કારણ કે ધીમી પિચના કારણે લક્ષ્યનો પીછો કરી રહેલી ટીમને બીજા હાફમાં કેટલીક સમસ્યાઓનો સામનો કરવો પડી શકે છે. લક્ષ્યનો પીછો કરી રહેલી ટીમે પ્રથમ બે મેચમાં પણ જીત મેળવી છે.
Sri Lanka take a 2-0 lead in the series with one more ODI to play on October 26.🌴🇱🇰 #SLvWI | #MenInMaroon pic.twitter.com/i1X4suEMBQ
— Windies Cricket (@windiescricket) October 23, 2024
- શ્રીલંકા અને વેસ્ટ ઈન્ડિઝ ક્રિકેટ ટીમ વચ્ચેની ત્રણ મેચોની શ્રેણીની ત્રીજી ODI 26 ઓક્ટોબર (શનિવાર) ના રોજ પલ્લેકલે ઈન્ટરનેશનલ ક્રિકેટ સ્ટેડિયમ, પલ્લેકલે ખાતે IST (ભારતીય સમય અનુસાર) બપોરે 02:30 વાગ્યે રમાશે. બપોરે 02.00 વાગ્યે સિક્કો ફેંકવામાં આવશે.
- સોની સ્પોર્ટ્સ નેટવર્ક ભારતમાં શ્રીલંકા - વેસ્ટ ઈન્ડિઝ ODI શ્રેણીના પ્રસારણ અધિકારો ધરાવે છે. જે સોની સ્પોર્ટ્સ ટેન 5 ટીવી ચેનલ પર ત્રીજી ODI મેચનું ટેલિકાસ્ટ પ્રદાન કરશે. શ્રીલંકા વિ વેસ્ટ ઈન્ડિઝ ત્રીજી ODI ફેનકોડ અને સોની લિવ એપ અને વેબસાઈટ પર લાઈવ સ્ટ્રીમિંગ થશે.
બંને ટીમો માટે સંભવિત પ્લેનઈંગ 11:
શ્રીલંકા: નિશાન મદુષ્કા, અવિષ્કા ફર્નાન્ડો, કુસલ મેન્ડિસ (wk), કામિન્દુ મેન્ડિસ, ચારિથ અસલંકા (કેપ્ટન), સાદિરા સમરવિક્રમા, ઝેનિથ લિયાનાગે, વિનિદુ હસરાંગા, દુનિથ વેલાલાગે, મહિષ થેક્ષાના, અસિથા ફર્નાન્ડો.
વેસ્ટ ઈન્ડિઝ: બ્રાન્ડોન કિંગ, એલેક એથેન્સ, શાઈ હોપ (સી એન્ડ ડબલ્યુકે), કેસી કાર્ટી, રોસ્ટન ચેઝ, શેરફાન રધરફોર્ડ, રોમારિયો શેફર્ડ, ગુડકેશ મોતી, હેડન વોલ્શ, જયડન સીલ્સ, અલઝારી જોસેફ.
આ પણ વાંચો:
