નવી દિલ્હી: ભારતીય ક્રિકેટ કંટ્રોલ બોર્ડ (BCCI) એ મંગળવારે રિષભ પંતને આગામી ઇન્ડિયન પ્રીમિયર લીગ (IPL)માં વિકેટકીપર-બેટ્સમેન તરીકે રમવા માટે ફિટ જાહેર કર્યો છે. પંતને એક વર્ષ કરતા પણ વધુ સમય પહેલા એક કાર અકસ્માતમાં ગંભીર ઈજા થઈ હતી. પંત, જે દિલ્હી કેપિટલ્સ માટે રમે છે, વ્યાપક પુનર્વસન પછી 22 માર્ચથી શરૂ થનારી ટુર્નામેન્ટમાં બેવડી ભૂમિકા ભજવવા માટે તૈયાર છે.
પંતની IPLમાં વાપસી: ગુજરાત ટાઇટન્સના સિનિયર ફાસ્ટ બોલર મોહમ્મદ શમી અને રાજસ્થાન રોયલ્સ તરફથી રમી રહેલા પ્રસિદ્ધ ક્રિષ્ના ઇજાને કારણે ટુર્નામેન્ટમાંથી બહાર થઇ ગયા છે. BCCIએ એક નિવેદનમાં જણાવ્યું હતું કે, '30 ડિસેમ્બર, 2022ના રોજ ઉત્તરાખંડના રૂરકી પાસે એક જીવલેણ માર્ગ અકસ્માતમાં ઈજાગ્રસ્ત થયા બાદ 14 મહિનાના પછી રિષભ પંતને આગામી IPL માટે વિકેટકીપર-બેટ્સમેન તરીકે પસંદ કરવામાં આવ્યો છે.
અકસ્માતમાં ગંભીર ઈજા થઈ હતી: પંતને પંત ગયા વર્ષે આઈપીએલની હરાજી દરમિયાન કેપિટલ્સના અધિકારીઓ સાથે હાજર રહ્યો હતો અને અકસ્માત બાદ NCAમાં તેની ફિટનેસ પર કામ કરી રહ્યો છે. આ અકસ્માતમાં પંતને તેના જમણા ઘૂંટણમાં ગંભીર ઈજા થઈ હતી, જેના કારણે તેણે તેના કાંડા અને પગની ઘૂંટીમાં ફ્રેક્ચર ઉપરાંત લિગામેન્ટ સર્જરી કરાવવી પડી હતી.
આગામી IPL 2024માંથી બહાર: શમી એડીની સર્જરીમાંથી સાજો થઈ રહ્યો છે અને આ વર્ષે સપ્ટેમ્બર પહેલા તે પાછો ફરે તેવી અપેક્ષા નથી. BCCIએ કહ્યું, 'આ ફાસ્ટ બોલરે 26 ફેબ્રુઆરી 2024ના રોજ તેની જમણી એડીની સમસ્યા માટે સફળતાપૂર્વક સર્જરી કરાવી હતી. BCCIની મેડિકલ ટીમ તેના પર નજર રાખી રહી છે અને તે આગામી IPL 2024માંથી બહાર છે.
પ્રસિદ્ધ કૃષ્ણા પણ IPL 2024માંથી બહાર: BCCIની મેડિકલ ટીમ પણ પ્રસિદ્ધ કૃષ્ણા પર નજર રાખી રહી છે. BCCIએ કહ્યું, 'આ ફાસ્ટ બોલરે 23 ફેબ્રુઆરી 2024ના રોજ તેની ડાબી જાંઘ પર સર્જરી કરાવી હતી. BCCIની મેડિકલ ટીમ તેના પર નજર રાખી રહી છે અને ટૂંક સમયમાં જ એનસીએમાં રિહેબિલિટેશન શરૂ થશે. તે આગામી IPL 2024માં ભાગ લઈ શકશે નહીં.
