હૈદરાબાદ: ભારતીય ટીમના ઓલરાઉન્ડર અક્ષર પટેલે એક ઈન્સ્ટાગ્રામ વિડીયો દ્વારા તેની પત્નીની પ્રેગ્નેન્સી અંગે ખૂબ જ સુંદર વિડીયો શેર કરીને આ ખુશીના સમાચાર આપ્યા છે. ત્યારબાદ આ બંને દંપતીને ઘણા બધા અભિનંદન સંદેશાઓ મળ્યા હતા. જાન્યુઆરી 2023માં લગ્ન કરનાર આ દંપતીએ ખુશીથી તેમના પ્રથમ સંતાનની તૈયારીઓ શરૂ કરી દીધી છે. અક્ષરને બાંગ્લાદેશ સામેની ટી20 શ્રેણીમાંથી આરામ આપવામાં આવ્યો છે, જેથી તે તેના પરિવાર સાથે સમય વિતાવી શકે.
ભારતીય ઓલરાઉન્ડર અક્ષર પટેલે સોમવારે તેના સત્તાવાર સોશિયલ મીડિયા હેન્ડલ પર હૃદયસ્પર્શી વિડિઓ શેર કરી તેની પત્ની મેહા પટેલની ગર્ભાવસ્થાના આનંદના સમાચાર શેર કર્યા. વિડિયોમાં દંપતીની હૃદયસ્પર્શી ક્ષણો કેપ્ચર કરવામાં આવી છે, તેઓ તેમના પ્રથમ બાળકનું સ્વાગત કરવાની તૈયારી કરી રહ્યા છે ત્યારે તેમનો ઉત્સાહ વ્યક્ત કરે છે.
જાન્યુઆરી 2023માં વડોદરામાં એક ભવ્ય સમારંભમાં ન્યુટ્રિશનિસ્ટ અને ડાયટિશિયન મેહા પટેલ સાથે લગ્ન કરનાર અક્ષરે કેપ્શન ઇન્સ્ટાગ્રામ પર વીડિયો શેર કર્યો અને લખ્યું કે, "ખૂબ જ આનંદની અનુભૂતિ થઈ રહી છે." આ પોસ્ટ કરતાંની સાથે જ દંપતીની ચાહકો અને સાથી ક્રિકેટરો તરફથી અભિનંદન સંદેશાઓ મળી રહ્યા છે.
તાજેતરના 'ધ ગ્રેટ ઈન્ડિયન કપિલ શો'માં ભારતીય ક્રિકેટ ટીમના સાથી ખેલાડીઓ સાથે, અક્ષરે પટેલે વાત કરતાં રમુંજીમાં સંકેત આપ્યો હતો કે, કેટલાક રોમાંચક સમાચાર આવવાના છે, જેનાથી ચાહકોમાં અટકળો શરૂ થઈ. અને ત્યારબાદ અક્ષરે આ મોટી જાહેરાત કરી અને તેની પુષ્ટિ કરી હતી.
સોમવારે અક્ષર પટેલે પોતાના ઓફિશિયલ ઇન્સ્ટાગ્રામ પર એક ભાવુક વિડીયો શેર કરીને ચાહકોને આ ખુશ ખબર આપી હતી. અક્ષર પટેલ બ્લ્યુ રંગના ગુજરાતી વર્ક વાળા કુર્તામાં અને ,મેહા પિન્ક ડ્રેસમાં ખૂબ જ સુંદર દેખાઈ રહી છે.
અક્ષર બાંગ્લાદેશ સામેની બે મેચની ટેસ્ટ શ્રેણી માટે ભારતીય ટીમનો ભાગ હતો પરંતુ તે એકપણ મેચમાં રમ્યો ન હતો. 30 વર્ષીય ઓલરાઉન્ડરને બાંગ્લાદેશ સામે ચાલી રહેલી T20I શ્રેણી માટે પણ આરામ આપવામાં આવ્યો છે, જેનાથી તે આ ખાસ સમયગાળા દરમિયાન તેના પરિવાર સાથે ગુણવત્તાયુક્ત સમય પસાર કરી શકે છે.
આ પણ વાંચો:
