જેરુસલેમ: ઈરાને ઈઝરાયેલ પર અનેક મિસાઈલો છોડી છે. ઈઝરાયેલની સેનાએ મંગળવારે કહ્યું કે, તેણે ઈરાનના મિસાઈલ હુમલા બાદ તેના નાગરિકોને બંકરોમાં છુપાઈ જવાનો આદેશ આપ્યો છે. તે જ સમયે, દેશભરમાં હવાઈ હુમલાના સાયરન વાગી રહ્યા છે.
ઈઝરાયેલ અને અમેરિકાએ ચેતવણી આપી છે કે, ઈરાન દ્વારા ઈઝરાયેલ પર હુમલો કરવામાં આવશે તો તેના ગંભીર પરિણામો આવશે. મીડિયા અહેવાલો અનુસાર, સુરક્ષિત સ્થળોએ રહેવાના આદેશો ઇઝરાયલીઓના મોબાઇલ ફોન પર મોકલવામાં આવ્યા હતા અને સરકારી ટેલિવિઝન પર પણ આની જાહેરાત કરવામાં આવી હતી.
THIS ISN’T NORMAL.
— Israel ישראל (@Israel) October 1, 2024
Every single one of these rockets is meant to kill. pic.twitter.com/VjyQFJ53Tk
ઈઝરાયેલના સૈન્ય પ્રવક્તા રીઅર એડમિરલ ડેનિયલ હગારીએ જણાવ્યું હતું કે, દેશની હવાઈ સંરક્ષણ પ્રણાલી સંપૂર્ણ રીતે કાર્યરત છે, જોખમોને શોધી અને અટકાવી રહી છે. જો કે, તેણે કહ્યું કે તે સંપૂર્ણપણે સલામત નથી.
તે જ સમયે, ઈરાની મીડિયાએ ઘણા વીડિયો પોસ્ટ કર્યા છે જેમાં દેશભરમાં ઘણી જગ્યાએ મિસાઈલ છોડવામાં આવી રહી છે.
This morning, US President Biden convened a meeting with Vice President Kamala Harris and their national security team to discuss Iranian plans to imminently launch a significant ballistic missile attack against Israel. They reviewed the status of US preparations to help Israel…
— ANI (@ANI) October 1, 2024
ન્યૂઝ એજન્સી એપીના અહેવાલ મુજબ ઈરાને ઈઝરાયેલ પર ડઝનબંધ બેલેસ્ટિક મિસાઈલો છોડવાનો દાવો કર્યો છે.
ઇઝરાયેલે લેબનોનમાં હિઝબુલ્લાહ વિરુદ્ધ મર્યાદિત જમીન અભિયાન શરૂ કર્યાના એક દિવસ બાદ ઈરાને આ હવાઈ હુમલો કર્યો હતો. ઇઝરાયેલી હવાઈ હુમલાઓ અને તોપખાનાના તોપમારો દક્ષિણ લેબનોનના ગામોને હિટ કરે છે, જ્યાં લોકોને સ્થળાંતર કરવાનો આદેશ આપવામાં આવ્યો હતો.
તે જ સમયે, ઈરાન દ્વારા ઈઝરાયેલ પર મિસાઈલ હુમલો કરતા પહેલા અમેરિકી રાષ્ટ્રપતિ જો બિડેને ઉપરાષ્ટ્રપતિ કમલા હેરિસ અને તેમની રાષ્ટ્રીય સુરક્ષા ટીમ સાથે મુલાકાત કરી હતી. જેમાં ઈરાન દ્વારા ઈઝરાયેલ સામે મોટા બેલેસ્ટિક મિસાઈલ હુમલાની યોજના પર ચર્ચા કરવામાં આવી હતી. તેમણે આ હુમલાઓથી ઈઝરાયેલને બચાવવા અને આ ક્ષેત્રમાં અમેરિકન કર્મચારીઓને સુરક્ષિત કરવામાં મદદ કરવા માટે અમેરિકાની તૈયારીઓની સમીક્ષા કરી. વ્હાઇટ હાઉસના અધિકારીઓએ આ જાણકારી આપી.
આ પણ વાંચો:
