મુંબઈ: સલમાન ખાનનો સૌથી લોકપ્રિય ટીવી રિયાલિટી શો બિગ બોસ 18 શરૂ થઈ ગયો છે. સલમાન ખાન ફરી એકવાર ટીવી પર હોસ્ટ તરીકે જોવા મળશે. બિગ બોસ 18ના ઘરમાં પહેલા જ દિવસે સ્પર્ધકો વચ્ચે ઝઘડો થયો હતો. તે જ સમયે, શોમાં દિવંગત પંજાબી ગાયક સિદ્ધુ મૂઝવાલાનો ઉલ્લેખ કરવામાં આવ્યો હતો. શોમાં પહોંચેલા રાજનેતા તજિંદર સિંહ બગ્ગાએ સિદ્ધુ મૂઝવાલા પર ચોંકાવનારો ખુલાસો કર્યો છે. બગ્ગાના ખુલાસાથી દરેક લોકો દંગ છે. બગ્ગાએ દાવો કર્યો છે કે એક જ્યોતિષીએ સિદ્ધુને તેમની સાથે થઈ રહેલી મોટી દુર્ઘટના વિશે પહેલેથી જ ચેતવણી આપી દીધી હતી.
બગ્ગાએ શોમાં કહ્યું હતું કે, તે જ્યોતિષમાં વિશ્વાસ નથી કરતો, પરંતુ સિદ્ધુ મૂઝવાલાની હત્યા બાદ તેણે તેમાં વિશ્વાસ કરવાનું શરૂ કર્યું. બગ્ગાએ કહ્યું, મારા એક જ્યોતિષ મિત્રે મને મૂઝવાલાનો ફોટો બતાવ્યો, અને મેં તેને પૂછ્યું કે તે સિદ્ધુને કેમ મળ્યો, મારા મિત્રએ મને કહ્યું કે સિદ્ધુ તેની જન્મકુંડળી જણાવવા આવ્યો હતો, હું આ સાંભળીને આશ્ચર્યચકિત થઈ ગયો, કારણ કે મેં એવું નહોતું વિચાર્યું. એવું કહેવામાં આવ્યું કે, સિદ્ધુ આ બધી વાતોમાં વિશ્વાસ નથી કરતા, સિદ્ધુએ જ્યોતિષ સાથે 4 કલાક વાત કરી, મારા જ્યોતિષ મિત્ર રૂદ્રએ સિદ્ધુને કહ્યું કે તેનો જીવ જોખમમાં છે, અને જ્યોતિષીએ સિદ્ધુને દેશ છોડવાની સલાહ આપી.
8 દિવસ પછી થઈ હતી હત્યા: તે જ સમયે જ્યોતિષને મળ્યાના 8 દિવસ બાદ સિદ્ધુ મૂઝવાલાની હત્યા કરવામાં આવી હતી. બગ્ગાએ વધુમાં કહ્યું કે, મૂઝવાલાની હત્યા બાદ મારા હોશ ઉડી ગયા અને મેં મારા જ્યોતિષ મિત્રને ફોન કર્યો અને તેને કંઈક સલાહ આપવા કહ્યું, ત્યાર બાદ મેં જન્માક્ષર પર આંધળો વિશ્વાસ કરવાનું શરૂ કર્યું. તમને જણાવી દઈએ કે, 29 મે, 2022ના રોજ સિદ્ધુ મૂઝવાલાને તેમની કારમાં ગોળી મારી દેવામાં આવી હતી. આ ઘટના બાદ સમગ્ર દેશ સ્તબ્ધ થઈ ગયો હતો.
આ પણ વાંચો:
