મુંબઈ : વરુણ ધવનની 'બેબી જ્હોન' આ વર્ષની મોસ્ટ અવેટેડ ફિલ્મોમાંથી એક છે. આ ફિલ્મનું ટીઝર દર્શકોને ખૂબ પસંદ આવ્યું હતું અને ત્યારથી બધા ટ્રેલરની રાહ જોઈ રહ્યા હતા. હવે આખરે પાવર પેક્ડ એક્શનથી ભરપૂર બેબી જ્હોનનું ટ્રેલર રિલીઝ કરવામાં આવ્યું છે. આ ફિલ્મમાં વરુણ એક પોલીસ ઓફિસરની ભૂમિકા ભજવવા જઈ રહ્યો છે, જે બળાત્કાર પીડિતા માટે લડે છે. જેકી શ્રોફે ફિલ્મમાં વિલનની ભૂમિકા ભજવી છે.
'બેબી જ્હોન'નું દમદાર ટ્રેલર : અપેક્ષા મુજબ બેબી જ્હોનનું ટ્રેલર એક્શનથી ભરપૂર છે અને વરુણ ધવને તેમાં પાવર પેક્ડ પર્ફોર્મન્સ આપ્યું છે. જ્યારે જેકી શ્રોફનો ખૂંખાર લૂંક ભય પેદા કરવા માટે પૂરતો છે. ટ્રેલરમાં બતાવવામાં આવ્યું છે કે વરુણ ધવન એક હિંમતવાન પોલીસ અધિકારીની ભૂમિકામાં બળાત્કાર પીડિતો માટે લડે છે અને તેમને ન્યાય મળે છે. તેની એક પુત્રી પણ છે, જેના પર કોઈ પણ જોખમ હોય તો તે કોઈપણ હદ સુધી જઈ શકે છે.
દર્શકો માટે બોનસ 'ભાઈજાન'નો કેમિયો : બેબી જ્હોનના ટ્રેલરની સૌથી ખાસ વાત ભાઈજાનનો કેમિયો છે. હા, બેબી જ્હોનમાં સલમાન ખાનનો કેમિયો છે. ટ્રેલરના અંતમાં સલમાન ખાનની શાનદાર એન્ટ્રી છે, જેમાં તેનો ચહેરો બતાવાયો નથી પરંતુ તેની આંખો માસ્કની અંદરથી દેખાય છે. અંતે સલમાન કહે છે 'મેરી ક્રિસમસ'. ટ્રેલર જોયા બાદ હવે દર્શકો આ ફિલ્મની આતુરતાથી રાહ જોઈ રહ્યા છે, હવે તેની ઉત્તેજના બમણી થઈ ગઈ છે. કારણ કે તેમાં સલમાન ખાનનો કેમિયો છે.
બેબી જ્હોનના ટીઝરને દર્શકોએ જબરદસ્ત પ્રતિસાદ આપ્યો હતો. ટીઝરની શરૂઆત એક છોકરીથી થાય છે. બીજી તરફ વરુણ પોલીસ ઓફિસર તરીકે ફુલ એક્શન મોડમાં જોવા મળી રહ્યો છે. આમાં જેકી શ્રોફ એક વિલન તરીકે જોવા મળશે, જેનો લુક પણ ટીઝરમાં ખૂંખાર હતો. બેબી જ્હોનમાં કીર્તિ સુરેશ અને વામિકા ગબ્બીની પણ મહત્વની ભૂમિકા છે, તેમની ઝલક પણ ટીઝરમાં જોવા મળી હતી. કીર્તિ બેબી જ્હોન સાથે બોલિવૂડમાં ડેબ્યૂ કરવા જઈ રહી છે.
ક્યારે રિલીઝ થશે 'બેબી જ્હોન' ? આ ફિલ્મ ક્રિસમસના અવસર પર 25 મી ડિસેમ્બરે સિનેમાઘરોમાં રિલીઝ થવા જઈ રહી છે. અમે તમને જણાવી દઈએ કે બેબી જ્હોન એટલીની ફિલ્મ થેરીની રિમેક છે, જે 2016માં રિલીઝ થઈ હતી. જેમાં થાલાપતિ વિજય અને સામંથાએ મુખ્ય ભૂમિકા ભજવી હતી. બેબી જ્હોન કલિશ દ્વારા લખાયેલ અને નિર્દેશિત છે. ફિલ્મમાં વરુણની સાથે કીર્તિ સુરેશ, વામિકા ગબ્બી, જેકી શ્રોફ અને રાજપાલ યાદવ પણ જોવા મળશે.
