મુંબઈ: વિરાટ કોહલીએ 24 નવેમ્બરે ભારત અને ઓસ્ટ્રેલિયા વચ્ચેની ટેસ્ટ મેચમાં સદી ફટકારીને ઈતિહાસ રચ્યો હતો. જે બાદ વિરાટે મેદાનમાંથી અનુષ્કાને ફ્લાઈંગ કિસ કરી હતી, જે તે દિવસની ખાસ ક્ષણ બની ગઈ હતી, પરંતુ મેદાન પર બીજી એક ઘટના બની જેણે બધાનું ધ્યાન ખેંચ્યું અને તે હતું અનુષ્કા અને વિરાટના પુત્ર અકાયનો દેખાવ. જે બાદ સોશિયલ મીડિયા પર આ તસવીર વાયરલ થઈ હતી જેને દરેક લોકો વિરુષ્કાનો પુત્ર માની રહ્યા હતા. પરંતુ તમને જણાવી દઈએ કે આ સાચું નથી અને આ વાત અમે નહીં પરંતુ વિરાટની બહેને પોતે કહી છે.
વિરાટની બહેને પુષ્ટિ કરી છે: તાજેતરમાં વિરાટ કોહલીની બહેન ભાવના કોહલી ઢીંગરાએ ઇન્સ્ટાગ્રામ પર એક પોસ્ટ શેર કરી અને કહ્યું કે, દરેકને ગેરસમજ થઈ છે. તેણે લખ્યું કે, 'મેં સોશિયલ મીડિયા પર જે તસવીર જોઈ રહયા છો તે અનુષ્કાના મિત્રની પુત્રી છે જેને બધા અકાય સમજી રહ્યા છે. પણ આ તસવીરમાં અકાય નથી... આભાર'.
શું છે સંપૂર્ણ મામલો? વાસ્તવમાં 24મી નવેમ્બરે ઓસ્ટ્રેલિયા અને ભારત વચ્ચે ટેસ્ટ મેચ હતી જ્યાં અનુષ્કા શર્મા પણ પહોંચી હતી. 5 મેચોની ટેસ્ટ શ્રેણીની પ્રથમ મેચ ઓસ્ટ્રેલિયાના પર્થમાં રમાઈ રહી છે. ટેસ્ટ મેચનો આજે ચોથો દિવસ છે. ગત રવિવારે રમાયેલી મેચની ઘણી તસવીરો અને વીડિયો સોશિયલ મીડિયા પર વાયરલ થઈ રહ્યા છે. જેમાં વિરાટે સદી ફટકારી અને અનુષ્કાને ફ્લાઈંગ કિસ આપી હતી. આ તસવીરોમાં અનુષ્કા વિરાટ કોહલીને ચીયર કરતી જોવા મળી હતી.
Akaay Kohli Face Reveal During India Vs Australia Test Match !!
— Fardeen_jaani777 (@JaaniFc) November 24, 2024
•#akaay #akaaykohli #Kohli #ViratKohli #INDvAUS #AUSvIND #BGT #bordergavaskartrophy2024 !! pic.twitter.com/sijugvHu9w
આ દરમિયાન લોકોએ તેમની પાછળ એક વ્યક્તિને જોયો, જેણે એક બાળકને ખોળામાં પકડ્યો હતો. એવું કહેવામાં આવી રહ્યું હતું કે, આ બાળક અનુષ્કા-વિરાટ કોહલીનો પુત્ર અકાય છે. જે બાદ સોશિયલ મીડિયા પર લડાઈ શરૂ થઈ હતી જેમાં કેટલાક લોકો તેની પ્રાઈવસી વિશે વાત કરી રહ્યા હતા જ્યારે ઘણા લોકો અકાયના પહેલા દેખાવ પર ઉત્સાહિત હતા, જો કે હવે એ વાતની પુષ્ટિ થઈ ગઈ છે કે તે અકાય નહીં પરંતુ અનુષ્કા અને વિરાટના મિત્રનું બાળક છે.
આ પણ વાંચો:
