મુંબઈઃ કારોબારી સપ્તાહના બીજા દિવસે શેરબજાર રેડ ઝોનમાં ખુલ્યું છે. BSE પર સેન્સેક્સ 3 પોઈન્ટના ઘટાડા સાથે 81,352.57ની સપાટી પર ખુલ્યો હતો. જ્યારે NSE પર નિફ્ટી 0.01 ટકાના વધારા સાથે 24,839.40ની સપાટી પર ખુલ્યો હતો.
સોમવાર બજાર: કારોબારી સપ્તાહના પ્રથમ દિવસે શેરબજાર વધઘટ સાથે સપાટ બંધ રહ્યું હતું. BSE પર સેન્સેક્સ 23 પોઈન્ટના ઉછાળા સાથે 81,355.84ની સપાટી પર બંધ રહ્યો હતો. જ્યારે NSE પર નિફ્ટી 0.03 ટકાના વધારા સાથે 24,843.10ની સપાટી પર બંધ થયો. નિફ્ટી પર ટ્રેડિંગ દરમિયાન રાઇટ્સ, બંધન બેંક, મઝાગોન ડોક શિપ, ટીવી18 બ્રોડકાસ્ટ ટોપ ગેનર્સની યાદીમાં સામેલ હતા. જ્યારે, Equitas Small Fin, Lakshmi Organic Ind, Latent View Analytics, New India Assurance નો ટોપ લૂઝર્સની યાદીમાં સમાવેશ કરવામાં આવ્યો હતો.
સેક્ટોરલ મોરચે, આઇટી, એફએમસીજી, ટેલિકોમ 0.4 ટકા ઘટ્યા હતા, જ્યારે ઓટો, બેન્ક, મીડિયા, કેપિટલ ગુડ્સ, ઓઇલ એન્ડ ગેસ, પાવર અને રિયલ્ટી 0.5 થી 2.5 ટકા વધ્યા હતા. BSE મિડકેપ ઇન્ડેક્સ લગભગ 1 ટકા વધ્યો હતો, જ્યારે સ્મોલકેપ ઇન્ડેક્સ 1.2 ટકા વધ્યો હતો.
