નવી દિલ્હી : સરકારે પ્રધાનમંત્રી મુદ્રા યોજના (PMMY) હેઠળ લોનની મર્યાદા 10 લાખ રૂપિયાથી વધારીને 20 લાખ રૂપિયા કરી દીધી છે. નાણા મંત્રાલયે એક નિવેદનમાં જણાવ્યું છે કે, પ્રધાનમંત્રી મુદ્રા યોજના (PMMY) હેઠળ મુદ્રા લોનની મર્યાદા હાલના રૂ. 10 લાખથી વધારીને રૂ. 20 લાખ કરવામાં આવી છે. આ વધારો મુદ્રા યોજનાના ઉદ્દેશ્યને આગળ વધારવાની આકાંક્ષા ધરાવે છે, જે અનફંડેડને ભંડોળ પૂરું પાડે છે.
PM મુદ્રા લોનની મર્યાદા વધી : 23 જુલાઈ, 2024 ના રોજ કેન્દ્રીય બજેટ 2024-25 માં નાણાં પ્રધાન નિર્મલા સીતારમણ દ્વારા જાહેરાત કરવામાં આવી હતી. પ્રધાનમંત્રી મુદ્રા યોજના (PMMY) હેઠળની મર્યાદા હાલના રૂ. 10 લાખથી વધારીને રૂ. 20 લાખ કરવામાં આવી છે.
નાણામંત્રીની જાહેરાત : લોકસભામાં બજેટ રજૂ કરતી વખતે નિર્મલા સીતારમણે કહ્યું હતું કે, 'તરુણ કેટેગરી' હેઠળ અગાઉની લોન લીધી હોય અને સફળતાપૂર્વક ચૂકવણી કરી હોય તેવા ઉદ્યોગ સાહસિકો માટે મુદ્રા લોન મર્યાદા વર્તમાન 10 લાખ રૂપિયાથી વધારીને 20 લાખ રૂપિયા કરવામાં આવશે.
મુદ્રા લોન મેળવવા પાત્ર કોણ ? મુદ્રા લોન ભારતમાં એક સરકારી યોજના છે, જે નાના અને સૂક્ષ્મ ઉદ્યોગોને વ્યવસાયના વિકાસ માટે નાણાકીય સહાય પૂરી પાડે છે. પાત્રતામાં બિન-કોર્પોરેટ નાના ઉદ્યોગો, સૂક્ષ્મ ઉદ્યોગો અને ઉત્પાદન, વેપાર, સેવાઓ અને કૃષિ સંબંધિત ક્ષેત્રોમાં કામ કરતી વ્યક્તિઓનો સમાવેશ થાય છે.
પ્રધાનમંત્રી મુદ્રા યોજના (PMMY) નાના અને સૂક્ષ્મ ઉદ્યોગોને રૂ. 10 લાખ સુધીની લોન આપવા માટે 8 એપ્રિલ, 2015ના રોજ વડાપ્રધાન નરેન્દ્ર મોદી દ્વારા શરૂ કરવામાં આવેલી યોજના છે.
પીએમ મુદ્રા લોન યોજના હેઠળની લોન બિન-કૃષિ સૂક્ષ્મ અથવા નાના ઉદ્યોગો માટે ઉપલબ્ધ છે જે ઉત્પાદન, વેપાર અને સેવાઓ દ્વારા આવક પેદા કરે છે. પાત્રતામાં બિન-કોર્પોરેટ નાના વ્યવસાયો, સૂક્ષ્મ સાહસો અને ઉત્પાદન, વેપાર, સેવાઓ અને કૃષિ સંબંધિત ક્ષેત્રોમાં કામ કરતી વ્યક્તિઓનો સમાવેશ થાય છે.
