મુંબઈ : આજે 13 ઓગસ્ટ, મંગળવારના રોજ ભારતીય શેરબજાર સતત બીજા દિવસે નબળા વલણ સાથે રેડ ઝોનમાં ખુલ્યું હતું. ત્યારબાદ દિવસ દરમિયાન સતત નબળા વલણના પરિણામે ગગડ્યું અને ટ્રેડિંગ સેશનના અંતે શેરબજાર રેડ ઝોનમાં બંધ રહ્યું હતું. બજારમાં પ્રાઈવેટ બેંકિંગ સ્ટોકમાં તેજી નોંધાઈ છે.
BSE Sensex : આજે 13 ઓગસ્ટ, મંગળવારના રોજ BSE Sensex ગત 79,648 બંધની સામે 96 પોઇન્ટ ઘટીને 79,552 ના મથાળે ખુલ્યો હતો. બજારની સારી શરુઆતમાં જ 79,692 પોઈન્ટની ડે હાઈ બનાવી Sensex સતત સુસ્ત રહ્યો હતો. જેમાં નબળા વલણના પરિણામે સતત ગગડતો રહીને લગભગ 803 પોઈન્ટ તૂટીને 78,889 પોઈન્ટ સુધી ડાઉન ગયો હતો. ટ્રેડિંગ સેશનના અંતે BSE Sensex ઈન્ડેક્સ 956 પોઈન્ટ તૂટીને 78,956 ના મથાળે રેડ ઝોનમાં બંધ રહ્યો હતો. જે 0.87 ટકાનો ઘટાડો દર્શાવે છે.
NSE Nifty : આજના ટ્રેડિંગ સેશનના અંતે NSE Nifty ઈનડેક્સ લગભગ 208 પોઈન્ટ (0.85%) ઘટાડા સાથે 24,139 ના મથાળે રેડ ઝોનમાં બંધ થયો હતો. ઉલ્લેખનિય છે કે, NSE Nifty ઈનડેક્સ આજે 5 પોઈન્ટના ઘટાડા સાથે 24,342 ના મથાળે સપાટ ખુલ્યો હતો. ત્યારબાદ શરુઆતી કારોબારમાં 24,359 પોઈન્ટની ડે હાઈ બનાવ્યા બાદ સતત વેચવાલીને પગલે ગગડીને 243 પોઇન્ટ તૂટ્યો અને 24,116 સુધી ડાઉન ગયો હતો. દિવસ દરમિયાન વિદેશી ફંડના સેલિંગ પ્રેશર વચ્ચે ઈન્ડેક્સ સતત નીચે રહ્યો હતો.
સ્ટોકની સ્થિતિ : આજે Nifty માં લિસ્ટેડ કંપનીઓમાં સૌથી વધુ ઊંચકાયેલા શેરમાં ટાઈટન કંપની, એપોલો હોસ્પિટલ્સ, ડૉ. રેડ્ડીઝ લેબ, ટાટા કન્ઝ્યુમર, નેસ્લેનો સમાવેશ થાય છે. જ્યારે શ્રીરામ ફાઇનાન્સ, BPCL, HDFC લાઈફ, HDFC બેંક અને ONGC ટોપ લૂઝર્સની યાદીમાં સામેલ હતા.
