નવી દિલ્હી: મહારાષ્ટ્ર અને ઝારખંડ વિધાનસભા ચૂંટણીની મતગણતરી સાથે જ ઉત્તર પ્રદેશની 9 બેઠકો પર યોજાયેલી પેટાચૂંટણી માટે પણ મતગણતરી ચાલી રહી છે. યુપીમાં જ્યાં ચૂંટણી યોજાઈ હતી તેમાં ગાઝિયાબાદ, કરહાલ, કટેહારી, ખેર, કુંડારકી, મઝવાન, મીરાપુર, ફુલપુર અને શીશામાઉનો સમાવેશ થાય છે.
આ દરમિયાન કુંડારકી સીટ પર ભાજપના ઉમેદવાર ઠાકુર રામવીર સિંહ જીત તરફ આગળ વધી રહ્યા છે. કુંડારકીમાં 32માંથી 19 રાઉન્ડની મતગણતરી બાદ ભાજપના ઠાકુર રામવીર સિંહે જોરદાર લીડ જાળવી રાખી છે. તેમને બપોરે 2 વાગ્યા સુધીમાં 111,470 વોટ મળ્યા છે. જ્યારે સપાના ઉમેદવાર મોહમ્મદ રિઝવાનને માત્ર 12933 વોટ મળ્યા છે. હાલમાં રામવીર સિંહ 98 હજારથી વધુ મતોથી આગળ છે.
60 ટકા મુસ્લિમ વસ્તી
ઉલ્લેખનીય છે કે કુંડારકી સીટ પર 60 ટકા મુસ્લિમ વસ્તી છે. આ જ કારણ છે કે આ બેઠક માટે ચૂંટણી લડી રહેલા કુલ 12 ઉમેદવારોમાંથી 11 મુસ્લિમ છે. અહીંથી ભાજપ સિવાય તમામ પક્ષોએ મુસ્લિમ ઉમેદવારોને મેદાનમાં ઉતાર્યા છે, જ્યારે ભાજપે રામવીર સિંહ ઠાકુરને ટિકિટ આપી છે.
આ સીટ 2012થી સપા પાસે છે
એટલું જ નહીં, ભાજપના ઉમેદવારો જાળીદાર ટોપી અને અરબી રૂમાલ પહેરીને ચૂંટણી મેદાનમાં મત માગતા જોવા મળ્યા હતા. જેની સર્વત્ર ચર્ચા થઈ હતી. તમને જણાવી દઈએ કે 1993 પછી બીજેપી ક્યારેય આ સીટ જીતી શકી નથી. જ્યારે, આ બેઠક 2012 થી 2022 સુધી સપા પાસે હતી.
પરિણામ આવતા પહેલા સપાના ઉમેદવાર હાજી મોહમ્મદ રિઝવાને ચૂંટણીમાં ધાંધલ ધમાલનો આરોપ લગાવ્યો હતો. લોકોને મતદાન કરવા પણ દેવામાં આવ્યું ન હતું. આ સરકારમાં લઘુમતીઓ સુરક્ષિત નથી. કુંડાર્કીમાં ફરીથી ચૂંટણી યોજવી જોઈએ. અમને યુપી પોલીસ પર ભરોસો નથી.
કુંડારકી પેટાચૂંટણીમાં રામવીર ઠાકુર અને હાજી રિઝવાન ઉપરાંત BSPના રફતુલ્લા જાન, AIMIMના હાફિઝ વારિસ અને આઝાદ સમાજ પાર્ટીના ચાંદ બાબુએ ચૂંટણી લડી હતી. જો કે ચૂંટણીમાં ખરો મુકાબલો ભાજપ અને સપા વચ્ચે હતો.
આ પણ વાંચો:
