મેરઠ: મેરઠમાં ઝાકિર કોલોનીમાં એક 3 માળનું મકાન શનિવારે સાંજે અચાનક ધરાશાયી થઈ ગયું. એક જ પરિવારના 15 લોકો કાટમાળ નીચે દટાયા હતા. પોલીસ, ફાયર બ્રિગેડ, એસડીઆરએફ અને એનડીઆરએફની ટીમો ઘટનાસ્થળે પહોંચી અને બચાવ કાર્ય શરૂ કર્યું. આ અકસ્માતમાં 10 લોકોના મોત થયા છે.
જિલ્લા મેજિસ્ટ્રેટના જણાવ્યા અનુસાર, આ અકસ્માતમાં 10 લોકોના મોત થયા છે. SDRF અને NDRF ટીમ દ્વારા 5 અન્ય લોકોને સુરક્ષિત રીતે બહાર કાઢીને હોસ્પિટલમાં દાખલ કરવામાં આવ્યા છે. જ્યાં તેની સારવાર ચાલી રહી છે. NDRF અને SDRFની ટીમોએ લગભગ 16 કલાક સુધી બચાવ કામગીરી હાથ ધરી હતી. દુર્ઘટના બાદ વહીવટીતંત્રે બાકીના મકાનો તોડવા માટે એક ટીમ તૈનાત કરી છે. અકસ્માતમાં માર્યા ગયેલા 10 લોકોમાં દોઢ વર્ષની બાળકી પણ સામેલ છે.
લોહિયા નગર પોલીસ સ્ટેશન વિસ્તારની ઝાકિર કોલોનીમાં શનિવારે સાંજે લગભગ 5.15 વાગ્યે આ અકસ્માત થયો હતો. ઘર 50 વર્ષ જૂનું હોવાનું કહેવાય છે. સમારકામના અભાવે મકાન જર્જરિત બની ગયું હતું. અકસ્માત બાદ એડીજી ડીકે ઠાકુર, કમિશનર સેલવા કુમારી જે, આઈજી નચિકેતા ઝા, એસએસપી વિપિન ટાડા અને અન્ય અધિકારીઓ ઘટનાસ્થળે હાજર છે.
ડીએમ દીપક મીડાએ જણાવ્યું કે, આ અકસ્માતમાં સાજિદ (40), સાજિદની પુત્રી સાનિયા (15) અને દોઢ વર્ષની બાળકી સિમરા સહિત 10 લોકોના મોત થયા છે. વરસાદ અને ભીડને કારણે બચાવ કામગીરીમાં થોડી અડચણ આવી હતી, પરંતુ 16 કલાકની મહેનત બાદ ટીમે તમામ 5 લોકોને સુરક્ષિત બહાર કાઢ્યા હતા.
મળતી માહિતી મુજબ, લોહિયાનગર પોલીસ સ્ટેશનના ઝાકિર કોલોનીમાં એક વૃદ્ધ મહિલા નાફોનું જૂનું ત્રણ માળનું મકાન હતું. વરસાદના કારણે શનિવારે સાંજે અચાનક ત્રણ માળનું મકાન ધરાશાયી થયું હતું. ઘરના નીચેના ભાગમાં પશુઓ પણ હાજર હતા. કારણ કે ઘરના નીચેના ભાગમાં દૂધની મોટી ડેરી ચાલી રહી હતી. અકસ્માતમાં અનેક પશુઓના મોત પણ થયા છે.
આ પણ વાંચો:
