નવી દિલ્હી: રાષ્ટ્રપતિ દ્રૌપદી મુર્મુએ પંજાબના રાજ્યપાલ અને કેન્દ્રશાસિત પ્રદેશ ચંદીગઢના પ્રશાસક બનવારીલાલ પુરોહિતનું રાજીનામું સ્વીકારી લીધું છે. રાષ્ટ્રપતિએ દેશભરના ઘણા રાજ્યો માટે રાજ્યપાલોની નિમણૂક પણ કરી. આસામના રાજ્યપાલ ગુલાબચંદ કટારિયાને પંજાબના રાજ્યપાલ તરીકે નિયુક્ત કરવામાં આવ્યા છે. તેમને કેન્દ્રશાસિત પ્રદેશ ચંદીગઢના પ્રશાસક તરીકે પણ નિયુક્ત કરવામાં આવ્યા છે.
આ સાથે હરિભાઉ કિસનરાવ બાગડેને રાજસ્થાનના રાજ્યપાલ નિયુક્ત કરવામાં આવ્યા છે. આ સાથે જ જિષ્ણુ દેવ વર્માને તેલંગાણાના રાજ્યપાલ, ઓમ પ્રકાશ માથુરને સિક્કિમના અને સંતોષ કુમાર ગંગવારને ઝારખંડના રાજ્યપાલ બનાવવામાં આવ્યા છે. રાષ્ટ્રપતિ મુર્મુએ રમેન ડેકાને છત્તીસગઢના રાજ્યપાલ અને સીએચ વિજયશંકરને મેઘાલયના રાજ્યપાલ તરીકે નિયુક્ત કર્યા છે.
ઝારખંડના રાજ્યપાલ સી.પી. રાધાકૃષ્ણનને તેલંગાણાના વધારાના હવાલા સાથે મહારાષ્ટ્રના રાજ્યપાલ તરીકે નિયુક્ત કરવામાં આવ્યા હતા. સિક્કિમના રાજ્યપાલ લક્ષ્મણ પ્રસાદ આચાર્યને આસામના રાજ્યપાલ તરીકે નિયુક્ત કરવામાં આવ્યા છે. તેમને મણિપુરના રાજ્યપાલનો વધારાનો હવાલો પણ આપવામાં આવ્યો છે. "આ નિમણૂંકો તેઓ તેમના સંબંધિત કાર્યાલયનો ચાર્જ સંભાળે તે તારીખથી અસરકારક રહેશે," એક સત્તાવાર રિલીઝમાં જણાવાયું છે.
| રાજ્ય | રાજ્યપાલ |
| રાજસ્થાન | હરિભાઉ કિસનરાવ બાગડે |
| સિક્કિમ | ઓમ પ્રકાશ માથુર |
| તેલંગાણા | વિષ્ણુ દેવ વર્મા |
| ઝારખંડ | સંતોષ કુમાર ગંગવાર |
| છત્તીસગઢ | રમણ ડેકા |
| મેઘાલય | સીએચ વિજયશંકર |
| મહારાષ્ટ્ર | સીપી રાધાકૃષ્ણન |
| આસામ | લક્ષ્મણ પ્રસાદ આચાર્ય |
| પંજાબ | ગુલાબચંદ કટારિયા |
