જયપુર: રાજસ્થાન પોલીસે પંજાબી ગાયક-અભિનેતા દિલજીત દોસાંજના બહુપ્રતિક્ષિત કોન્સર્ટ પહેલા એક એડવાઈઝરી જારી કરી છે, જેમાં લોકોને ઈવેન્ટ દરમિયાન નકલી ટિકિટ કૌભાંડનો શિકાર ન થવાનું કહેવામાં આવ્યું છે. રવિવારની સાંજે સીતાપુરામાં જયપુર એક્ઝિબિશન એન્ડ કન્વેન્શન સેન્ટર (JECC) ખાતે તેમના મલ્ટિસિટી "દિલ-લુમિનાટી ટૂર 2024" કોન્સર્ટના ભાગરૂપે તે બ્રિટિશ રોક બેન્ડ કોલ્ડપ્લે સાથે પરફોર્મ કરવાનો છે.
પોલીસે જણાવ્યું હતું કે, દોસાંજના કોન્સર્ટમાં માત્ર માન્ય ટિકિટ ધારકોને જ પ્રવેશ આપવામાં આવશે અને નિયુક્ત પ્લેટફોર્મ દ્વારા વેચવામાં આવેલી ટિકિટ જ માન્ય રહેશે. તેમણે લોકોને બિનઅધિકૃત ટિકિટ ખરીદવા અને વેચવાનું ટાળવાની પણ સલાહ આપી હતી.
SCAM ALERT !!
— Jaipur Police (@jaipur_police) November 2, 2024
फर्जी टिकटों से सावधान !
दिलजीत दोसांझ के कॉन्सर्ट में प्रवेश के लिए केवल वैध टिकट ही मान्य होंगे।
जोमाटो लाइव और स्कोप एंटरटेनमेंट द्वारा बेचे गए टिकट ही वैध है, अन्य सभी अवैध है। pic.twitter.com/QlB7QJyMbP
જયપુર પોલીસ દ્વારા એક્સ પર કરવામાં આવેલી એક પોસ્ટ પર લખ્યું છે કે " ગોટાળાથી એલર્ટ નકલી ટિકીટોથી સાવધાન રહો. દિલજીત દોસાંજના કોન્સર્ટમાં પ્રવેશ માટે ફક્ત સાચી ટિકીટ જ માન્ય રહેશે, ફક્ત ઝોમેટો લાઇવ અને સ્કોપ એન્ટર એન્ટરટેનમેન્ટ દ્વારા વેચાયેલી ટિકિટ જ માન્ય રહેશે. એમાં આગળ જણાવ્યું કે, નકલી ટિકીટો સાથે પ્રવેશવા દેવામાં આવશે નહી. નકલી ટિકિટ વિક્રેતાઓથી સાવધ રહો અને અનધિકૃત ખરીદી અને વેચાણથી દૂર રહો.”
દોસાંજના શોની ટિકિટના બ્લેક માર્કેટિંગના અહેવાલ બાદ આ એડવાઈઝરી જારી કરવામાં આવી છે. આ કેસમાં એન્ફોર્સમેન્ટ ડિરેક્ટોરેટ (ED) એ જયપુર સહિત પાંચ શહેરોમાં ઘણી જગ્યાએ દરોડા પાડ્યા હતા.
દિવસની શરૂઆતમાં, જયપુર શાહી પરિવારની વારસદાર અને રાજસ્થાનના વર્તમાન નાયબ મુખ્ય પ્રધાન રાજકુમારી દિયા કુમારી દ્વારા દોસાંજનું શાહી સ્વાગત કરવામાં આવ્યું હતું. જેઈસીસી, સીતાપુરા, જયપુરમાં તેમના કોન્સર્ટના સંદર્ભમાં તેઓ શનિવારે જયપુર પહોંચ્યા હતા. ગાયક-અભિનેતા છેલ્લા કેટલાક દિવસોથી ઘણા શહેરોમાં કોન્સર્ટનું આયોજન કરી રહ્યા છે.
આ પણ વાંચો:
