મુંબઈ : ઈપેક ડ્યૂરેબલ્સની પ્રારંભિક જાહેર ઓફર ( IPO ) આજે સબસ્ક્રિપ્શન માટે ખુલી છે. 23 જાન્યુઆરીએ બંધ થનાર આ ઈસ્યુમાં રૂ. 400 કરોડનો નવો ઈક્વિટી ઈશ્યુ અને 1.04 કરોડ શેરની ઓફર ફોર સેલ (OFS)નો સમાવેશ થાય છે. કંપની ઓફર દ્વારા આશરે રૂ. 640 કરોડ એકત્ર કરવાની યોજના ધરાવે છે. આઇપીઓમાંથી મળેલી નવી આવકનો ઉપયોગ મૂડી વિસ્તરણ યોજનાઓને ફાઇનાન્સ કરવા અને તેની બાકી લોનના ભાગની ચુકવણી માટે કરવામાં આવશે.
કંપની પ્રાઇસ બેન્ડ : કંપનીએ શેર દીઠ રૂ. 218-230ની પ્રાઇસ બેન્ડ નક્કી કરી છે, જ્યાં રોકાણકારો એક લોટમાં 65 શેર માટે બિડ કરી શકે છે. ઓફરના લગભગ 50 ટકા ક્વોલિફાઇડ સંસ્થાકીય ખરીદદારો (QIBs), 35 ટકા રિટેલ રોકાણકારો માટે અને 15 ટકા બિન-સંસ્થાકીય રોકાણકારો માટે આરક્ષિત છે.
કંપનીનું કામકાજ : ઈપેક ડ્યુરેબલ એ FY2013 માં યુનિટ્સની સંખ્યાની દ્રષ્ટિએ ભારતમાં બીજા નંબરનું સૌથી મોટું રૂમ એર કંડિશનર ઓરિજિનલ ડિઝાઇન મેન્યુફેક્ચરર (ODM) છે. તેના વર્તમાન ઉત્પાદન પોર્ટફોલિયોમાં રૂમ એર કંડિશનર્સનો સમાવેશ થાય છે જ્યાં તે સંપૂર્ણ આરએસી, નાના ઘરનાં ઉપકરણો અને ઘટકોને ડિઝાઇન અને ઉત્પાદન કરે છે.
કંપનીની આવક : નાણાકીય વર્ષ 2011-23 દરમિયાન ઈપેક ડ્યુરેબલ્સ ફાઇનાન્શિયલ કંપનીની આવક, EBITDA અને PAT અનુક્રમે 44.6 ટકા, 56.2 ટકા અને 102.5 ટકાના CAGRથી વૃદ્ધિ પામી છે. સપ્ટેમ્બર 2023માં પૂરા થયેલા છ મહિના માટે, કંપનીએ રૂ. 615 કરોડની આવક નોંધાવી હતી, જ્યારે ચોખ્ખો નફો રૂ. 2.6 કરોડ હતો. નાણાકીય વર્ષ 23ની કામગીરીમાંથી કંપનીની આવક વાર્ષિક ધોરણે 66 ટકા વધીને રૂ. 1,539 કરોડ અને નફો 88 ટકા વધીને રૂ. 32 કરોડ થયો હતો.
