ચેન્નાઈ: ઈન્ડિયન કોસ્ટ ગાર્ડ (ICG)ના મહાનિર્દેશક (DG) રાકેશ પાલનું રવિવારે ચેન્નાઈમાં હૃદયરોગના હુમલાથી અવસાન થયું. અધિકારીઓએ આ માહિતી આપી હતી. પાલે ગયા વર્ષે 19 જુલાઈના રોજ ભારતીય કોસ્ટ ગાર્ડના 25મા મહાનિર્દેશક તરીકે ચાર્જ સંભાળ્યો હતો. મળતી માહિતી મુજબ, પાલને ચેન્નાઈની એક હોસ્પિટલમાં દાખલ કરવામાં આવ્યા હતા. એક અધિકારીએ જણાવ્યું કે તેમના પાર્થિવ દેહને દિલ્હી લઈ જવાની વ્યવસ્થા કરવામાં આવી રહી છે.
Deeply saddened at the untimely demise of Shri Rakesh Pal, DG, Indian Coast Guard in Chennai today. He was an able and committed officer under whose leadership ICG was making big strides in strengthening India’s maritime security. My heartfelt condolences to his bereaved family.
— Rajnath Singh (@rajnathsingh) August 18, 2024
રક્ષા મંત્રી રાજનાથ સિંહે રાકેશ પાલનીના અકાળે નિધન પર શોક વ્યક્ત કર્યો છે. તેમણે X પર એક પોસ્ટમાં લખ્યું છે કે, આજે ચેન્નાઈમાં ભારતીય કોસ્ટ ગાર્ડના ડીજી રાકેશ પાલના અકાળે અવસાનથી ખૂબ જ દુઃખી છું. તેઓ એક સક્ષમ અને પ્રતિબદ્ધ અધિકારી હતા, જેમના નેતૃત્વમાં ICG ભારતની દરિયાઈ સુરક્ષાને મજબૂત કરવામાં ઘણી પ્રગતિ કરી રહ્યું હતું. તેમના શોકગ્રસ્ત પરિવાર પ્રત્યે મારી ઊંડી સંવેદના વ્યક્ત કરું છું.
#WATCH | Defence Minister Rajnath Singh and Tamil Nadu CM MK Stalin paid last respects to Indian Coast Guard chief Rakesh Pal who passed away today in Chennai after suffering a cardiac arrest. pic.twitter.com/1dgAXf32U5
— ANI (@ANI) August 18, 2024
સંરક્ષણ પ્રધાન રાજનાથ સિંહ અને તમિલનાડુના મુખ્ય પ્રધાન એમકે સ્ટાલિને ચેન્નાઈમાં રાકેશ પાલને પુષ્પાંજલિ અર્પણ કરી હતી.
રાજનાથ સિંહ રવિવારે ચેન્નાઈમાં હતા. અહીં તેમણે તમિલનાડુના ભૂતપૂર્વ મુખ્ય પ્રધાન એમ કરુણાનિધિની જન્મ શતાબ્દી નિમિત્તે સ્મારક સિક્કાના વિમોચન સમારોહમાં ભાગ લીધો હતો. તમિલનાડુના મુખ્યમંત્રી એમકે સ્ટાલિને તેમને આ કાર્યક્રમમાં આમંત્રણ આપ્યું હતું.
