બાડમેરઃ રાજસ્થાનના બાડમેર જિલ્લાના નગાણા પોલીસ સ્ટેશન વિસ્તારમાં સોમવારે રાત્રે એરફોર્સનું ફાઈટર પ્લેન મિગ 29 દુર્ઘટનાગ્રસ્ત થયું. દુર્ઘટના બાદ વિમાનમાં આગ લાગી ગઈ હતી. પ્લેન ક્રેશની માહિતી મળ્યા બાદ પોલીસ પ્રશાસન અને એરફોર્સના અધિકારીઓ ઘટનાસ્થળે રવાના થયા હતા. ફાઈટર પ્લેન રૂટિન પ્રેક્ટિસ દરમિયાન ટેક્નિકલ ખામીના કારણે ક્રેશ થયું હતું. અકસ્માતમાં કોઈ જાનહાનિ થઈ નથી. જિલ્લા કલેક્ટર અને એસપીએ પ્લેન ક્રેશની પુષ્ટિ કરી છે.
PTI SHORTS | IAF's MiG-29 aircraft crashes in Rajasthan's Barmer, pilot safe
— Press Trust of India (@PTI_News) September 3, 2024
WATCH: https://t.co/KVUcE9mS67
Subscribe to PTI's YouTube channel for in-depth reports, exclusive interviews, and special visual stories that take you beyond the headlines. #PTIVideos
કોર્ટ ઓફ ઇન્ક્વાયરીનો આદેશ: ભારતીય વાયુસેનાએ સોશિયલ મીડિયા પ્લેટફોર્મ X પર પોસ્ટ કરીને અકસ્માતની પુષ્ટિ કરી છે. "સેક્ટરમાં નિયમિત રાત્રિ પ્રશિક્ષણ મિશન દરમિયાન, IAF મિગ-29 માં ગંભીર તકનીકી ખામી સર્જાઈ હતી. જેના કારણે પાયલટને વિમાનમાંથી બહાર નીકળવું પડ્યું હતું. પાઈલટ સુરક્ષિત છે અને કોઈ જાનહાનિનું જોખમ નથી." ભારતીય વાયુસેનાએ પોસ્ટમાં જણાવ્યું હતું કે, કોઈ મોટી જાનહાનીના સમાચાર નથી.
પ્લેનમાં આગ લાગી: જિલ્લા કલેક્ટર નિશાંત જૈન અને એસપી નરેન્દ્ર સિંહ મીણાએ જણાવ્યું કે ફાઇટર પ્લેન ક્રેશ થયું છે. મળતી માહિતી મુજબ, નાગાણા પોલીસ સ્ટેશન વિસ્તારના બાંદ્રા પંચાયતના અલાણિયો કી ઢાની પાસે મિગ 29 વિમાન ક્રેશ થઈને અને પડ્યું. ત્યાર બાદ પ્લેનમાં આગ લાગી હતી. ઘટનાની જાણ થતાં આસપાસના લોકોમાં ભયનો માહોલ જોવા મળ્યો હતો. આ અકસ્માત અંગે સ્થાનિક લોકોએ પોલીસ અને પ્રશાસનને જાણ કરી હતી. અકસ્માતની માહિતી મળ્યા બાદ પોલીસ પ્રશાસન અને એરફોર્સના અધિકારીઓ ઘટનાસ્થળે રવાના થયા હતા.
આ દરમિયાન સ્થાનિક પંચાયત સમિતિના સભ્ય હેમંત રાજપુરોહિતે જણાવ્યું કે એરફોર્સનું પ્લેન ક્રેશ થયું છે. વાયુસેનાના વિમાને રૂટિન પ્રેક્ટિસ માટે ઉડાન ભરી હતી. આ દરમિયાન અચાનક પ્લેન ક્રેશ થઈ ગયું. આ પછી તે નાગાના પોલીસ સ્ટેશન વિસ્તારના બાંદ્રા ગામની સીમમાં પડ્યો હતો. આ દુર્ઘટનામાં હજુ સુધી કોઈ જાનહાનિની માહિતી નથી.
