શ્રીનગર: જમ્મુ-કાશ્મીરના બાંદીપોરા જિલ્લાના કેટ્સન વિસ્તારમાં મંગળવારે આતંકવાદીઓ અને સુરક્ષા દળો વચ્ચે અથડામણ થઈ. સૂત્રોના જણાવ્યા અનુસાર કેતસન જંગલમાં સુરક્ષાદળો અને આતંકવાદીઓ વચ્ચે ગોળીબાર થયો હતો, જેમાં એક આતંકી માર્યો ગયો હતો. આ દરમિયાન ફાયરિંગમાં બે જવાન ઘાયલ થયા હતા.
અધિકારીઓએ જણાવ્યું હતું કે, કેટ્સન જંગલ વિસ્તારમાં આતંકવાદીઓની હાજરીની માહિતી મળ્યા બાદ સુરક્ષા દળોએ મંગળવારે ઘેરાબંધી અને સર્ચ ઓપરેશન શરૂ કર્યું હતું. આ દરમિયાન આતંકીઓએ સુરક્ષાદળો પર ગોળીબાર શરૂ કરી દીધો હતો, જે બાદ સુરક્ષા દળોએ જવાબી કાર્યવાહી કરી હતી.
Jammu & Kashmir | Encounter breaks out between Security Forces and terrorists in the Ketsun forest area of Bandipora. Exchange of fire underway.
— ANI (@ANI) November 5, 2024
Details awaited.
(Visuals deferred by unspecified time) pic.twitter.com/IYOiTnzffY
અધિકારીએ કહ્યું કે ફાયરિંગમાં એક આતંકી માર્યો ગયો, જ્યારે એક સેનાનો જવાન અને એક CRPF જવાન ઘાયલ થયો. ઘાયલોને હોસ્પિટલમાં દાખલ કરવામાં આવ્યા છે. તેમણે કહ્યું કે આ વિસ્તારમાં સર્ચ ઓપરેશન ચાલી રહ્યું છે.
મીડિયા રિપોર્ટ્સ અનુસાર સુરક્ષા દળોએ બે આતંકીઓને જંગલમાં ઘેરી લીધા હતા. એક આતંકી માર્યો ગયો, જ્યારે બીજા આતંકીની શોધ ચાલી રહી છે. સુરક્ષા દળોએ સમગ્ર વિસ્તારને ઘેરી લીધો છે. 26 આસામ રાઈફલ્સની ટીમ તૈનાત કરવામાં આવી છે.
બે દિવસ પહેલા આતંકવાદીઓએ શ્રીનગરના ટીઆરસી અને સન્ડે માર્કેટમાં ગ્રેનેડ ફેંક્યા હતા, જેમાં 12 લોકો ઘાયલ થયા હતા. આ વિસ્ફોટ ત્યારે થયો જ્યારે આ વિસ્તારમાં સાપ્તાહિક રવિવાર બજાર માટે દુકાનદારોની ભારે ભીડ હતી. ગ્રેનેડ બ્લાસ્ટ બાદ વિસ્તારમાં અફરા-તફરી મચી ગઈ હતી. ગ્રેનેડ હુમલા બાદ આતંકીઓ સ્થળ પરથી ફરાર થઈ ગયા હતા.
આ પણ વાંચો:
