નવી દિલ્હી : એન્ફોર્સમેન્ટ ડિરેક્ટોરેટે આજે દિલ્હીના મુખ્યમંત્રી અરવિંદ કેજરીવાલને દારૂ કૌભાંડ સાથે સંબંધિત મની લોન્ડરિંગ કેસમાં કોર્ટમાં રજૂ કર્યા હતા. જ્યાંથી તેમને હવે જ્યુડિશિયલ કસ્ટડીમાં મોકલી દેવામાં આવ્યાં છે. રાઉઝ એવન્યુ કોર્ટે કેજરીવાલને 15 એપ્રિલ સુધી ન્યાયિક કસ્ટડીમાં મોકલી દીધા છે. અરવિંદ કેજરીવાલની હાજરી દરમિયાન પત્ની સુનીતા, આપ નેતા સૌરભ ભારદ્વાજ, આતિશી, ગોપાલ રાય સહિત ઘણા નેતાઓ હાજર હતા. 28 માર્ચે કોર્ટે અરવિંદ કેજરીવાલને રાહત આપી ન હતી અને તેમને 1 એપ્રિલ સુધી ઈડી રિમાન્ડ પર મોકલી દીધા હતાં.
ઈડીના એએસજીની દલીલ : 28 માર્ચે સુનાવણી દરમિયાન, ઈડી માટે હાજર રહેલા ASG SV રાજુએ કહ્યું હતું કે કેજરીવાલ તપાસમાં સહકાર આપી રહ્યા નથી, અને તેઓ સીધા જવાબો આપી રહ્યા નથી. તેને ઘણા દસ્તાવેજો સાથે સામનો કરવો પડે છે. રાજુએ કહ્યું હતું કે આમ આદમી પાર્ટીએ લાંચ લીધી હતી અને તેનો ઉપયોગ ગોવાની ચૂંટણીમાં થયો હતો. અમારી પાસે એવા દસ્તાવેજો છે જે સાબિત કરે છે કે આ નાણાંનો હવાલા માર્ગ દ્વારા ગોવાની ચૂંટણીમાં ઉપયોગ કરવામાં આવ્યો હતો. રાજુએ કહ્યું હતું કે કેજરીવાલ જે પૈસા ભાજપને આપવાનો આરોપ લગાવી રહ્યા છે તેને દારૂ કૌભાંડ સાથે કોઈ લેવાદેવા નથી અને તેમાં સાંઠગાંઠનો કોઈ મામલો નથી.
આપને બદનામ કરવાનું ષડયંત્ર ગણાવ્યું : કોર્ટમાં હાજરી દરમિયાન કેજરીવાલે કહ્યું હતું કે આ એક રાજકીય ષડયંત્ર છે, જનતા તેનો જવાબ આપશે. સુનાવણી દરમિયાન અરવિંદ કેજરીવાલની પત્ની સુનીતા કેજરીવાલ અને તેમનો પુત્ર પણ કોર્ટ રૂમમાં હાજર હતા. સુનાવણી દરમિયાન ખુદ કેજરીવાલે કોર્ટમાં પોતાનો અભિપ્રાય રજૂ કરતા કહ્યું હતું કે વાસ્તવિક કૌભાંડ ઈડીની તપાસ બાદ શરૂ થયું હતું. આમ આદમી પાર્ટીને ખતમ કરવા નના બે ઉદ્દેશ્ય હતા. કેજરીવાલે કહ્યું હતું કે EDનો ઉદ્દેશ્ય એવો ભ્રમ ઉભો કરવાનો હતો કે AAP પાર્ટી ભ્રષ્ટ છે. ઈડીનો બીજો ઉદ્દેશ્ય પૈસા પડાવવાનો છે. આ કેસમાં ધરપકડ બાદ શરદ રેડ્ડીએ ભાજપને 55 કરોડ રૂપિયા આપ્યા હતા. શરદ રેડ્ડીને ચૂંટણી બોન્ડના રૂપમાં ભાજપને પૈસા આપ્યા બાદ જામીન મળ્યા હતા.
કોર્ટ સમક્ષ કેજરીવાલની દલીલો : કેજરીવાલે કોર્ટમાં કહ્યું હતું કે મને કોઈ કોર્ટે દોષી ઠેરવ્યો નથી. ઇડી મને ગમે તેટલી કસ્ટડીમાં રાખી શકે છે. કેજરીવાલે કહ્યું હતું કે ઈડી અને CBIએ હજારો પાનાનો રિપોર્ટ દાખલ કર્યો છે. જો તમે બધા કાગળો વાંચશો તો તમને પણ લાગશે કે મારી ધરપકડ કેમ કરવામાં આવી. કેજરીવાલે કહ્યું હતું કે મારું નામ ચાર જગ્યાએ આવ્યું છે. એક સી અરવિંદ કહ્યું કે મારી હાજરીમાં સિસોદિયાને કેટલાક દસ્તાવેજો આપ્યાં. ધારાસભ્યો દરરોજ મારા ઘરે આવે છે. શું આ નિવેદન મુખ્યમંત્રીની ધરપકડ કરવા માટે પૂરતું છે?
બીજા સાક્ષી રાઘવ મગુંતાના નિવેદનનું વર્ણન કરતા કેજરીવાલે કહ્યું હતું કે ઈડીના દબાણમાં લોકો સાક્ષી બની રહ્યા છે અને પોતાના નિવેદન બદલી રહ્યા છે. રાજુએ કેજરીવાલના આ નિવેદનનો વિરોધ કર્યો હતો. ત્યારે કોર્ટે કહ્યું હતું કે હું પાંચ મિનિટથી વધુ સમય નહીં આપું. તે પછી કેજરીવાલે કહ્યું હતું કે મને ફસાવવાનો ઈડીનો એક જ ઉદ્દેશ્ય છે. કેજરીવાલે કહ્યું હતું કે ત્રણ નિવેદનો આપવામાં આવ્યા હતા પરંતુ તેમાંથી માત્ર એ જ નિવેદન લાવવામાં આવ્યું હતું જેમાં મને ફસાવવામાં આવ્યો હતો, કેમ? આ યોગ્ય નથી.
23 માર્ચથી ઈડી કસ્ટડીમાં હતાં કેજરીવાલ : અન્ય સાક્ષીનું નામ લેતા કેજરીવાલે કહ્યું હતું કે તેમના સાત નિવેદનો નોંધવામાં આવ્યા છે. મારું નામ છમાં નથી. સાતમા સ્થાને મારું નામ આવતાં જ તે છોડી દેવામાં આવે છે. 23 માર્ચે કોર્ટે તેને 28 માર્ચ સુધી ન કસ્ટડીમાં મોકલી દીધો હતો. તમને જણાવી દઈએ કે 21 માર્ચે અરવિંદ કેજરીવાલને દિલ્હી હાઈકોર્ટમાંથી ધરપકડથી રક્ષણ ન મળતા નએ 21 માર્ચે મોડી સાંજે પૂછપરછ બાદ અરવિંદ કેજરીવાલની ધરપકડ કરી હતી. 27 માર્ચે હાઈકોર્ટે કેજરીવાલને કોઈ રાહત આપવાનો ઈન્કાર કરી દીધો હતો. 28 માર્ચે હાઈકોર્ટે કેજરીવાલને મુખ્યમંત્રી પદેથી હટાવવાની માંગ કરતી અરજીને ફગાવી દીધી હતી.
- ઈડીએ અરવિંદ કેજરીવાલનો ફોન અનલોક કરવા માટે એપલને લખ્યો પત્ર - ED Writes A Letter To Apple
- અરવિંદ કેજરીવાલે કોર્ટમાં જાતે કરી દલીલ, ED પર ઉઠાવ્યા સવાલ,ન્યાયાધીશે ટોક્યા. વાંચો બીજું શું થયું - Delhi Excise Policy Scam
