નવી દિલ્હી : દિલ્હીની રાઉઝ એવન્યુ કોર્ટે આમ આદમી પાર્ટીના દેવલીના ધારાસભ્ય પ્રકાશ જારવાલને ડોક્ટર આત્મહત્યા કેસમાં દોષિત ઠેરવ્યા છે. વિશેષ ન્યાયાધીશ એમકે નાગપાલે આ નિર્ણય આપ્યો હતો. કોર્ટે 8 ફેબ્રુઆરીએ નિર્ણય સુરક્ષિત રાખ્યો હતો. આ કેસમાં દિલ્હી પોલીસ વતી મનીષ રાવલ, આરોપી પ્રકાશ જારવાલ વતી એડવોકેટ એસપી કૌશલ, આરોપી કપિલ નાગર અને હરીશ કુમાર વતી એડવોકેટ રવિ દ્રાલે દલીલો રજૂ કરી હતી.
કેસની ટાઇમલાઇન : આ કેસમાં 25 ઓગસ્ટ 2023ના રોજ બંને પક્ષના સાક્ષીઓના નિવેદનો પૂર્ણ થયા હતા. 11 નવેમ્બર, 2021 ના રોજ કોર્ટે આ કેસમાં આરોપીઓ સામે આરોપો ઘડ્યા હતાં. કોર્ટે હરીશ જારવાલને આત્મહત્યા માટે ઉશ્કેરવાના આરોપમાંથી નિર્દોષ જાહેર કર્યા હતા. કોર્ટે પ્રકાશ જારવાલ અને કપિલ નગર સામે ભારતીય દંડ સંહિતાની કલમ 386, 384, 506 અને 120B હેઠળ આરોપો ઘડવાનો આદેશ આપ્યો હતો. કોર્ટે આરોપી હરીશ જારવાલને કલમ 306 અને 386 હેઠળના આરોપોમાંથી મુક્ત કર્યા છે. જ્યારે કલમ 506 હેઠળ ચાર્જ ફ્રેમ કરવાનો આદેશ આપવામાં આવ્યો હતો.
ટેન્કરો માટે પૈસાની માંગણીનો આરોપ : ડૉ. રાજેન્દ્રસિંહે 18 એપ્રિલ 2020ના રોજ આત્મહત્યા કરી હતી. ડોક્ટરે પોતાના ઘરે ગળેફાંસો ખાઈને આત્મહત્યા કરી લીધી હતી. પોલીસને ડોક્ટર પાસેથી બે પાનાની સ્યુસાઈડ નોટ પણ મળી આવી હતી. સ્યુસાઈડ નોટમાં પ્રકાશ જારવાલ અને કપિલ નાગરને જવાબદાર ગણવામાં આવ્યા છે. પોલીસને એક ડાયરી પણ મળી આવી હતી. જેમાં જલ બોર્ડમાં કેટલાક તબીબોના પાણીના ટેન્કર ચાલતા હોવાનું જણાવ્યું હતું. ડાયરીમાં પ્રકાશ જારવાલ પર તે ટેન્કરો માટે પૈસાની માંગણી કરવાનો આરોપ હતો.
