Plantation programme: জোনাইত বৃক্ষৰোপণ কাৰ্যসূচী

জোনাই আবৰ্ত্ত ভৱনত মহকুমা প্ৰশাসনৰ উদ্যোগত বৃক্ষৰোপণ কাৰ্যসূচী (Plantation Programme in Jonai)৷ আজাদী কা অমৃত মহোৎসৱৰ সৈতে সংগতি ৰাখি 19 জুলাইৰ পৰা জোনাই আবৰ্ত্ত ভৱন প্ৰাংগনত আৰম্ভ হৈছে এই বৃক্ষৰোপণ কাৰ্যসূচীৰ ৷"শ্যামলী চৌহদ" নামেৰে শুভাৰম্ভ কৰা এই বৃক্ষৰোপণ কাৰ্যসূচী অসম চৰকাৰৰ নিৰ্দেশ মৰ্মে জোনাই আবৰ্ত্ত ভৱন চৌহদত অহা ১৫ আগষ্ট পৰ্যন্ত পালন কৰা হব । উক্ত কাৰ্যসূচীত জোনাই মহকুমা নিৰ্বাচনী বিষয়া গায়ত্ৰী পাতিৰ, সহকাৰী অতিৰিক্ত আয়ুক্ত প্ৰীতম কুমাৰ দাস, নয়নমনি দত্তৰ লগতে মহকুমা প্ৰশাসনৰ বিষয়া কৰ্মচাৰী সকল উপস্থিত থাকে ৷ অনুষ্ঠানত উপস্থিত বিষয়া-কৰ্মচাৰীসকলে কেইবাটাও গছপুলি ৰোপন কৰে ৷ জোনাই মহকুমাৰ মহকুমাধিপতি প্ৰদীপ কুমাৰ দ্বিবেদীয়ে সংশ্লিষ্ট প্ৰশাসনৰ উদ্যোগত উক্ত স্থানত অধিক গছপুলি ৰোপণ কৰা হব বুলি উল্লেখ কৰাৰ লগতে গছৰ প্ৰতিপালনত গুৰুত্ব দিবলৈ সকলোকে আহ্বান জনায় ৷