অভিজ্ঞ কৰ্মচাৰীৰে অত্যাধুনিক নাৱৰ চালনৰ আহ্বান ড৹ পিতাম্বৰ দেৱগোস্বামীৰ

ঐতিহাসিক শ্ৰী শ্ৰী আউনীআটী সত্ৰৰ সত্ৰাধিকাৰ ড৹ পিতাম্বৰ দেৱগোস্বামী নিমাতীঘাটত উপস্থিত হৈ বুধবাৰে সংঘটিত হোৱা মৰ্মান্তিক নাও দুৰ্ঘটনাক লৈ শোক প্ৰকাশ কৰে ৷ লগতে প্ৰতিগৰাকী যাত্ৰীক যাতে ঈশ্বৰে সহায়ৰ হাত আগবঢ়াই তাৰ বাবে প্ৰাৰ্থনা জনায় । সাংবাদিকৰ সৈতে হোৱা এক সাক্ষাৎকাৰত সত্ৰাধিকাৰগৰাকীয়ে অনতি পলমে যোৰহাট-মাজুলী সংযোগী দলং নিৰ্মাণৰ বাবে চৰকাৰলৈ কৰ যোৰে আহ্বান জনোৱাৰ লগতে দলং নোহোৱা পৰ্যন্ত যাত্ৰীসকলৰ সুবিধাৰ্থে অত্যাধুনিক সা সুবিধাযুক্ত নাৱৰ লগতে অভিজ্ঞ বিষয়া-কৰ্মচাৰীৰে নাও চলাচলৰ ব্যৱস্থা গ্ৰহণ কৰিবলৈ চৰকাৰলৈ আহ্বান জনায় ।