Mob lynching in Jorhat : অনিমেষ ভূঞালৈ নাৰায়ণপুৰ-বিহপুৰীয়া আঞ্চলিক ছাত্ৰ সন্থাৰ শ্ৰদ্ধাঞ্জলি

ৰাজ্য জোকাৰি যোৱা অনিমেষ ভূঞা হত্যাকাণ্ড(Mob lynching in Jorhat)ৰ পিছতে শোকত বিহ্বল হৈ আছে সমগ্ৰ অসম ৷ নিহত ছাত্ৰনেতা গৰাকীৰ আত্মাৰ সদগতি কামনা কৰাৰ লগতে ৰাজ্যবাসীয়ে দাবী জনাইছে আক্ৰমণকাৰীৰ উচিত শাস্তিৰ ৷ ইতিমধ্যে বুধবাৰে পুৱতি নিশা এক দুৰ্ঘটনাত মৃত্যুবৰণ কৰে এই কাণ্ডৰ মূল অভিযুক্তই ৷ ইয়াৰ পূৰ্বে মঙলবাৰে ৰাজ্যৰ আন প্ৰান্তৰ লগতে লখিমপুৰৰ নাৰায়ণপুৰতো নাৰায়ণপুৰ আঞ্চলিক ছাত্ৰ সন্থা(All Assam Students union narayanpur)ই শ্বহীদ বেদীৰ সন্মুখত অনিমেষ ভূঞা(AASU leader Animesh Bhuyan)ৰ প্ৰতিচ্ছবি ৰাখি বন্তি প্ৰজ্বলন কৰি বিদেহী আত্মাৰ সদগতি কামনা কৰাৰ লগতে দোষীৰ উচিত শাস্তিৰ দাবী জনায় । ইফালে বিহপুৰীয়া আঞ্চলিক ছাত্ৰ সন্থায়েও(All Assam Students union Bihpuria) বিহপুৰীয়া মহাবিদ্যায়ত ৰক্তিম পতাকা অৰ্ধনমিত কৰি গভীৰ শোক প্ৰকাশ কৰে ৷