পত্নী-পুত্ৰক লগত লৈ ভোটাধিকাৰ সাব্যস্ত মন্ত্ৰী ড৹ হিমন্ত বিশ্ব শৰ্মাৰ

ৰাজ্যৰ 12 খন জিলাৰ 40 টা সমষ্টিত অনুষ্ঠিত হৈছে তৃতীয় পৰ্যায়ৰ ভোট গ্ৰহণ ৷ মুঠ 204414 গৰাকী ভোটাৰে ভাগ্য নিৰ্ধাৰণ কৰিবলগীয়া অতি চৰ্চিত সমষ্টি জালুকবাৰী সমষ্টিত পত্নী আৰু পুত্ৰৰ সৈতে ভোটাধিকাৰ সাব্যস্ত কৰিলে মন্ত্ৰী ড৹ হিমন্ত বিশ্ব শৰ্মাই ৷ ৰাতিপুৱাৰে পৰা ভোটাৰৰ পাৰভঙা উচাহৰ মাজতে ভোটাৰৰ দীঘলীয়া শাৰীত থিয় হৈ ভোটাধিকাৰ সাব্যস্ত কৰিলে মন্ত্ৰী গৰাকীয়ে ৷ উল্লেখ্য যে, সমষ্টিটোত বিজেপিৰ প্ৰাৰ্থী হিমন্ত বিশ্ব শৰ্মা, কংগ্ৰেছ প্ৰাৰ্থী ৰমেন বৰঠাকুৰ, ৰাইজৰ দলৰ হেমন্ত সুত, নিৰ্দলীয় প্ৰাৰ্থী নৱ নাথ আৰু মইনুল হকে প্ৰতিদ্বন্দ্বিতা আগবঢ়ায় ৷ আজি ইভিএমত ভাগ্য নিৰ্ণয় হ'ব এই পাঁচ গৰাকী প্ৰাৰ্থীৰ ৷