গৌৰীসাগৰৰ জাঁজী সাপ্তাহিক বজাৰত লানি নিছিগা ভীৰ...

ৰাজ্যৰ আন আন ঠাইৰ লগতে শিৱসাগৰ জিলাৰ আমগুৰিতো বৃদ্ধি পাইছে কৰ'ণাত আক্ৰান্ত লোকৰ সংখ্যা । আমগুৰিৰ শেহতীয়া পৰিস্থিতিৰ প্ৰতি লক্ষ্য ৰাখি জিলা প্ৰশাসনে দেওবাৰৰ পৰা গৌৰীসাগৰৰ জাঁজী সাপ্তাহিক বজাৰ বন্ধৰ নিৰ্দেশ প্ৰদান কৰিছিল । কিন্তু জিলা প্ৰশাসনৰ নিৰ্দেশক বুঢ়া আঙুলি দেখুৱাই পুৱাই বহিল সাপ্তাহিক বজাৰখন । একাংশ অসচেতন লোকে বজাৰত ভীৰ কৰিলেহি । এইসকল লোকৰ কোনো এজনে মানি চলা নাই সামাজিক দূৰত্ব, নাই কাৰো মুখত মাস্ক । একাংশ কাণ্ডজ্ঞানহীন লোকৰ বাবে যে পৰিৱেশ অতি ভয়ংকৰ হ'ব সেয়া এই দৃশ্যই নিশ্চিত কৰিছে । অতি পৰিতাপৰ বিষয় যে, এইসকল লোকৰ এনে কাৰ্যত স্থানীয় গৌৰীসাগৰ থানাইও গ্ৰহণ কৰা নাই কোনো ব্যৱস্থা ।