গহপুৰত চত্ৰং নৈৰ ৰুদ্ৰমূৰ্তি, আৱদ্ধ হৈ পৰে শতাধিক বাহন

গহপুৰত চত্ৰং নৈৰ ৰুদ্ৰমূৰ্তি । আৱদ্ধ হৈ পৰে শতাধিক যান বাহন । মুহুৰ্ততে সমগ্ৰ গহপুৰ নগৰ বুৰাই পেলালে চত্ৰং নৈয়ে । মঙলবাৰে এক ভয়াৱহ পৰিস্থিতিৰ সৃষ্টি হয় গহপুৰ নগৰত । ৰাইজ ক'লৈ যাব কি কৰিব উপায় বিহীন হৈ পৰে । ১৫ নং ৰাষ্ট্ৰীয় ঘাইপথেৰে ভয়াৱহ ৰূপত বাগৰে পানী । নেৰানেপেৰা বৰষুনৰ ফলত কাল ৰূপ ধাৰন কৰি পানী বৈছে চত্ৰং নৈৰ । কোনো মুহুৰ্তত ৰাষ্ট্ৰীয় ঘাইপথ ছিঙি নিয়ে তাৰ কোনো নিশ্চয়তা নাইকীয়া হৈ পৰে ।