Massive Fire Break Out at Bilashipara: বিলাসীপাৰাত বিধ্বংসী অগ্নিকাণ্ড, পথৰ দুৰৱস্থাৰ বাবে নাহিল অগ্নিনিৰ্বাপক বাহিনীৰ বাহন
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Oct 28, 2023, 10:47 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/28-10-2023/640-480-19883481-thumbnail-16x9-bilashipara.jpg)
বিলাসীপাৰা, 28 অক্টোবৰ: ধুবুৰী জিলাৰ বিলাসীপাৰাত সংঘটিত হয় বিধ্বংসী অগ্নিকাণ্ডৰ ঘটনা । বিলাসীপাৰা মহকুমাৰ অন্তৰ্গত হাতীপোতা দ্বিতীয় খণ্ড গাঁৱত শনিবাৰে নিশা সংঘটিত হয় এই বিধ্বংসী অগ্নিকাণ্ড । নিমিষতে জুইত জাহ যায় চাৰিটাকৈ বাসগৃহ । ঘটনা অনুসৰি, শ্বৰ্টচাৰ্কিটৰ ফলতে জুইৰ সূত্ৰপাত হোৱাৰ সন্দেহ কৰিছে ৰাইজে ।
উল্লেখ্য যে গাঁওখনৰ মনছেৰ আলী নামৰ লোকজনৰ বাসগৃহসহ চাৰিটাকৈ ঘৰ ভস্মীভূত হয় । ফলত 10 লক্ষাধিক টকাৰ সম্পত্তি ক্ষয়-ক্ষতি হোৱা বুলি জানিব পৰা গৈছে ৷ ইফালে পথৰ দুৰৱস্থাৰ বাবেই অগ্নিনিৰ্বাপক বাহিনীৰ বাহন ঘটনাস্থলীত উপস্থিত হ’ব নোৱাৰিলে ৷ যাৰ বাবে স্থানীয় ৰাইজৰ তৎপৰাত জুই নুমুৱাবলৈ সক্ষম হয় ।
এইক্ষেত্ৰত ৰাইজে আক্ষেপ প্ৰকাশ কৰি কয় যে, ঘটনাস্থলীৰ পৰা মাত্ৰ 7 কিঃমি দূৰত্বত আছে অগ্নিনিৰ্বাপক বাহিনীৰ কাৰ্যালয় ৷ কিন্তু পথৰ দুৰৱস্থাৰ বাবে অগ্নিনিৰ্বাপক বাহিনীৰ বাহন নাহিল ৷ আজিৰ দিনত আমাৰ বাবে ইয়াতকৈ দুৰ্ভাগ্যৰ বিষয় আৰু নাই ৷ আমি বিধায়কক পথ মেৰামতিৰ বাবে বহুবাৰ আহ্বান জনাইছিলোঁ যদিও কোনো সুফল নাপালো ৷
লগতে পঢ়ক:Bilasipara Civil Hospital: বিলাসীপাৰাত চিকিৎসকক বিচাৰি ৰোগীৰ হাহাকাৰ