Jorhat fire news: দুৰ্বাদল কাজিয়াৰ মাজতে জ্যেষ্ঠ ভাতৃয়ে জ্বলালে কণিষ্ঠ ভাতৃৰ বাসগৃহ

যোৰহাট, 15 অক্টোবৰ : ঘৰুৱা কন্দল ভয়ংকৰ পৰিণতি ৷ মৰিয়নী সমষ্টিৰ অসম নগালেণ্ড সীমান্তৱৰ্তী নামৰূপীয়া গটঙা গাঁৱত সংঘটিত হৈছে এই ঘটনা । ঘটনাৰ বিৱৰণী মতে, গটঙা গাঁৱৰ ভাইটি জাতপ আৰু জিতেন জাতপ নামৰ দুই সম্বন্ধীয় ভাতৃয়ে প্ৰত্যেক দিনৰ দৰে দেওবাৰেও সামন্য কথাতে তৰ্কাতৰ্কিত লিপ্ত হয় ৷ কিন্তু এই কাজিয়াই চূড়ান্ত ৰূপ লয় । 

হিতাহিত জ্ঞান হেৰুৱাই জ্যেষ্ঠ ভাতৃয়ে জিতেন জাতপে কণিষ্ঠ ভাতৃৰ বাসগৃহত অগ্নিসংযোগ কৰে ৷ মুহূৰ্তৰ ভিতৰতে কণিষ্ঠ ভাতৃৰ বাসগৃহটোত জুইয়ে আগুৰি ধৰে আৰু জুইৰ লেলিহান শিখাই নিমিষতে ধ্বংসস্তূপলৈ পৰিণত কৰে বাসগৃহটো । 

এই অগ্নিকাণ্ডত পৰিয়ালটোৰ বিস্তৰ ক্ষতিসাধন হোৱাৰ লগতে জুইত মূল্যবান নথি-পত্ৰ আৰু আচবাব জাহ যায় । পৰৱৰ্তী সময়ত, জিতেন জাতপক স্থানীয় ৰাইজে কৰায়ত্ত কৰি উত্তম মধ্যম সোধাই গুৰুতৰভাৱে আঘাতপ্ৰাপ্ত কৰে ৷ ইতিমধ্যে ঘটনাস্থলীত আৰক্ষীৰ আৰু অগ্নিনিৰ্বাপক বাহিনীৰ লোক উপস্থিত হৈ জুই নিৰ্বাপিত কৰে ৷ স্থানীয় লোকে এই ঘটনাৰ উচিত তদন্ত কৰি দোষীক কঠোৰ শাস্তি প্ৰদানৰ কৰিবলৈ দাবী উত্থাপন কৰে ৷ 

লগতে পঢ়ক: Narcotics seized: ডিফুত কানি আৰু শুকান পপী গছ জব্দ