Post office Employees protest : ন্যায্য প্ৰাপ্তিৰ দাবীত যোৰহাটত কেজ্যুৱেল ডাক কৰ্মচাৰী প্ৰতিবাদ

যোৰহাট, 9 নৱেম্বৰ : আকৌ প্ৰতিবাদ ৷ ন্যায্য প্ৰাপ্তিৰ দাবীত এইবাৰ প্ৰতিবাদত নামিল যোৰহাটৰ কেজ্যুৱেল ডাক কৰ্মচাৰীসকল ৷ প্ৰতিবাদী কৰ্মচাৰীসকলে উল্লেখ কৰা অনুসৰি, বিগত 7 মাহে লাভ কৰা নাই দৰমহা ৷ বিভাগীয় কৰ্তৃপক্ষক এই বিষয়ে প্ৰশ্ন কৰিলে ফাণ্ড নাই বুলি দায়সৰা মন্তব্য কৰে বুলি উল্লেখ কৰে প্ৰতিবাদকাৰীসকলে ৷

উপায়ন্তৰ হৈ প্ৰতিবাদকাৰীসকলে ন্যায্য প্ৰাপ্তিৰ দাবীত বৃহস্পতিবাৰে শিৱসাগৰ সংমণ্ডলৰ অংশকালীন কেজ্যুৱেল কৰ্মচাৰীসকলে যোৰহাট প্ৰধান ডাকঘৰ সন্মুখৰ গেটত তলা বন্ধ কৰি প্ৰতিবাদ সাব্যস্ত কৰে । প্ৰতিবাদকাৰীসকলৰ দাবী- বকেয়া দৰমহা মুকলি কৰি দিয়া, কেজ্যুৱেল কৰ্মচাৰীৰ কাম-কাজসমূহ ব্যক্তিগত হাতত গতাই দিয়া বন্ধ কৰা, পূৰ্বৰ দৰে DA সহ মাহেকীয়া মজুৰি দিয়া সুনিশ্চিত কৰা, কেজ্যুৱেল কৰ্মচাৰীৰ মাহেকীয়া মজুৰি বৃদ্ধি কৰা ৷

লগতে পঢ়ক : Protest in Majuli : দৰিয়া দলঙৰ মেৰামতিৰ দাবীত মাজুলী কমলাবাৰীত উত্তপ্ত পৰিস্থিতি