Majuli Ferry Services Suspended : শুকাইছে সোৱণশিৰি; বন্ধ হৈ পৰিছে যন্ত্ৰচালিত ফেৰীৰ চলাচল

মাজুলী, 28 অক্টোবৰ : মাজুলীতো শুকাই গ’ল সোৱণশিৰি নৈ । সোৱণশিৰি শুকাই যোৱাৰ বাবে মাজুলীৰ চেনীমৰা, বালিজান, পাৰঘাটত অভাৱনীয় পৰিস্থিতিৰ সৃষ্টি হোৱা দেখিবলৈ পোৱা গৈছে । নামনি সোৱণশিৰিৰ জলবিদ্যুৎ প্ৰকল্পৰ অঘটনৰ পাচত এই অনাকাংক্ষিত পৰিস্থিতিৰ সৃষ্টি হৈছে মাজুলীৰ সোৱণশিৰীৰ পাৰঘাটসমূহত ।

তৰাং হৈ পৰিছে এতিয়া সোণৰ নৈখনি । নদীৰ পানী হঠাৎ কমি যোৱাৰ বাবে চলাব পৰা নাই ফেৰী । যাৰ বাবে বন্ধ হৈ পৰিছে ফেৰীসেৱা । নৈখনৰ এই ভয়ংকৰ ৰূপ দেখি চিন্তাত নৈ-পৰীয়ালোকসকল । লখিমপুৰ আৰু মাজুলীৰ মাজত চলাচল কৰা প্ৰতিটো ঘাটত এনে পৰিস্থিতি সৃষ্টি হৈছে ।

নিশাৰ ভিতৰতে অস্বাভাৱিকভাৱে শুকাইছে সোৱণশিৰি ৷ যাৰ বাবে পানী বন্ধ হৈ পৰিছে ফেৰী সেৱা । উপায়ন্তৰ হৈ চেনীমৰা, বালিজান, কংকুৰ পাঠলি ঘাটৰ যন্ত্ৰ চালিত নাওসমূহ অন্য ঠাইলৈ স্থানান্তৰ কৰা দেখা গৈছে । আনকি নদীৰ মাজত চলিছে এতিয়া মটৰ চাইকেল ।

লগতে পঢ়ক : Danger in NHPC: সোৱণশিৰি জলবিদ্যুৎ প্ৰকল্পত পাহাৰ খহি শুকাল সোৱণশিৰি নদী