ডিগবৈত সদৌ অসম ছাত্ৰ সন্থাৰ কেন্দ্ৰীয় শ্বহীদ দিৱস পালন

তিনিচুকীয়া, 10 ডিচেম্বৰ : আজি শ্বহীদ দিৱস ৷ বিগত বৰ্ষসমূহৰ দৰে এইবাৰো সদৌ অসম ছাত্ৰ সন্থাই কেন্দ্ৰীয়ভাৱে পালন কৰিছে শ্বহীদ দিৱস ৷ এইবাৰ সদৌ তিনিচুকীয়া জিলা ছাত্ৰ সন্থাৰ উদ্যোগত, ডিগবৈ আঞ্চলিক ছাত্ৰ সন্থাৰ সহযোগত, মুলিয়াবাৰী খেলপথাৰত সদৌ অসম ছাত্ৰ সন্থাৰ কেন্দ্ৰীয় শ্বহীদ দিৱস পালন কৰা হৈছে ৷

শ্বহীদ দিৱসৰ প্ৰথম কাৰ্যসূচী সদৌ অসম ছাত্ৰ সন্থাৰ পতাকা উত্তোলন কৰে নৱনিৰ্বাচিত সভাপতি উৎপল শর্মাই ৷ সমান্তৰালভাৱে শ্বহীদ তৰ্পন কৰে সদৌ অসম ছাত্ৰ সন্থাৰ সাধাৰণ সম্পাদক শংকৰজ্যোতি বৰুৱাই ৷ শ্বহীদ খৰ্গেশ্বৰ তালুকদাৰৰ প্ৰতিচ্ছবিত মাল্যাৰ্পণ কৰে নেচ’ৰ উপদেষ্টা তথা আছুৰ মুখ্য উপদেষ্টা ড৹ সমুজ্জ্বল কুমাৰ ভট্টাচাৰ্যই ৷

ইয়াৰ পাচতেই 860 গৰাকী শ্বহীদক শ্ৰদ্ধাঞ্জলি জনায় বন্তি প্ৰজ্জ্বলন কৰে স্থানীয় বিশিষ্ট ব্যক্তিসকলে ৷ সহস্ৰাধিক লোকৰ উপস্থিতিত অনুষ্ঠিত শ্বহীদ দিৱসত আছুৰ নেতৃত্বই অসম চুক্তিৰ প্ৰতিটো দফা আখৰে আখৰে পালন কৰাৰ দাবী জনায় চৰকাৰলৈ ৷ 

লগতে পঢ়ক : 100 শতাংশ অসমীয়াক চাকৰি প্ৰদান; সমষ্টি পুনৰ নিৰ্ধাৰণেৰে অসম চুক্তিৰ 6 নং দফা প্ৰায় ৰূপায়ন কৰিলো: মুখ্যমন্ত্ৰী