দুলীয়াজান আৰু নাহৰকটীয়াৰ পৰা নিৰ্বাচন খেলিব লুৰীণজ্যোতি গগৈয়ে

শুকুৰবাৰে ১৮ টা সমষ্টিত প্ৰাৰ্থী ঘোষণা কৰা অসম জাতীয় পৰিষদে দেওবাৰে দ্বিতীয়খন প্ৰাৰ্থী তালিকা ঘোষণা কৰিছে অসম জাতীয় পৰিষদে । ঘোষিত তালিকা অনুসৰি দুলীয়াজানৰ লগতে নাহৰকটীয়াৰ পৰাও লুৰীণজ্যোতি গগৈয়ে নিৰ্বাচনত প্ৰতিদ্বন্দিতা কৰিব । ৯৯ নং মাজুলীত মুখ্যমন্ত্ৰী সৰ্বানন্দ সোণোৱালৰ বিপৰীতে প্ৰতিদ্বন্দিতা আগবঢ়াব শিশুধৰ দলেই । মন্ত্ৰী পিয়ুজ হাজৰিকাৰ বিপৰীতে জাগিৰোডত বুবুল দাস আৰু পাটাছাৰকুছিত ৰঞ্জিৎ কুমাৰ দাসৰ বিপৰীতে প্ৰতিদ্বন্দিতা আগবঢ়াব পবিন্দ্ৰ ডেকাই । আনহাতে, সম্প্ৰতি কোনো এটা ৰাজনৈতিক দলেই প্ৰাৰ্থী ঘোষণা নকৰা অসমৰ অন্যতম প্ৰতিভাশালী সমষ্টি পূৱ গুৱাহাটীত প্ৰতিদ্বন্দিতা আগবঢ়াব অদীপ কুমাৰ ফুকনে ৷