এটি হাঁহিৰ মূল্য বহুত ৷ কোৱা হয় যে হাঁহি মানুহৰ জীৱনত অতি গুৰুত্বপূৰ্ণ ৷ কাৰণ হাঁহিত আটাইতকৈ ডাঙৰ মানসিক চাপকো কমাব পৰা ক্ষমতা থাকে । কিন্তু আজিৰ ব্যস্ততাপূৰ্ণ জীৱন বা মানসিক চাপৰ পৰিৱেশত অধিকাংশ লোকৰ মুখত হেৰাই গৈছে হাঁহি । আজি বিশ্ব হাঁহি দিৱস ৷ বিশ্ব হাঁহি দিৱসৰ জৰিয়তে সকলোকে অৱগত কৰোৱা হয় যে আমাৰ বাবে হাঁহিটো কিমান গুৰুত্বপূৰ্ণ ।
বিশ্ব হাঁহি দিৱস কিয় পালন কৰা হয় জানেনে ? ইয়াৰ উদযাপনৰ আঁৰত এটা আমোদজনক কাহিনী আছে । বিশ্ব হাঁহি দিৱস কিয় পালন কৰা হয় ? ইয়াৰ গুৰুত্ব কি ? লগতে কাৰোবাৰ মুখত হাঁহি বিৰিঙাবলৈ কি সৰু সৰু কাম কৰিব পাৰি জানি লওক এই প্ৰতিবেদনত ।
বিশ্ব হাঁহি দিৱস কেতিয়া পালন কৰা হয় ?
প্ৰতি বছৰে অক্টোবৰ মাহৰ প্ৰথম সপ্তাহৰ প্ৰথম শুকুৰবাৰে বিশ্ব হাঁহি দিৱস পালন কৰা হয় । এইবাৰ আজি অৰ্থাৎ ৬ অক্টোবৰত এই দিৱস পালন কৰা হৈছে । বিশ্বাস কৰা হয় যে হাঁহিত যথেষ্ট শক্তি থাকে আৰু সেইবাবেই প্ৰতি বছৰে বিশ্ব হাঁহি দিৱস পালন কৰা হয় ।
বিশ্ব হাঁহি দিৱসৰ ইতিহাস
কোৱা হয় যে মেছাচুচেটছৰ এজন ব্যৱসায়িক শিল্পীয়ে এই দিনটোৰ আৰম্ভণি কৰিছিল । এই শিল্পীজনৰ নাম হাৰ্ভি বল আৰু তেওঁ ১৯৬৩ চনত এটা আইকনিক হাঁহি সৃষ্টি কৰিছিল । এই হাঁহিটোৰ বিষয়ে বহুত চৰ্চা হৈছিল । ইয়াৰ পিচত ১৯৯৯ চনত প্ৰথম বিশ্ব হাঁহি দিৱস পালন কৰা হয় । ইয়াৰ উদ্দেশ্য আছিল মানুহে ইজনে সিজনৰ লগত ভাল ব্যৱহাৰ কৰি সুখ বিয়পাব লাগে । ইয়াৰ পিছত অক্টোবৰ মাহৰ প্ৰথম শুকুৰবাৰৰ পৰা বিশ্ব হাঁহি দিৱস উদযাপন কৰিবলৈ আৰম্ভ কৰে ।
ইয়াৰ গুৰুত্ব কি ?
এই দিৱস উদযাপনৰ উদ্দেশ্য হৈছে মানুহে বুজিব লাগে যে হাঁহি থকাটো আমাৰ বাবে কিমান গুৰুত্বপূৰ্ণ । সেয়েহে, আমি সকলোৱে এনে কাম কৰিব লাগে যিয়ে আনৰ মাজত সুখ বিয়পাব পাৰে ।
কেনেকৈ আপোনজনৰ মুখত হাঁহি বিৰিঙাব ?
উপহাৰ দিয়াটোৱেই উত্তম ৷ কাৰোবাক সুখী কৰিবলৈ বা তেওঁৰ মুখত হাঁহি বিৰিঙাবলৈ তেওঁক উপহাৰ দিব পাৰে । উপহাৰ লাভ কৰিলে যিকোনো ব্যক্তি সুখী হৈ পৰিব ৷ যদি আপুনি আপোনাৰ সংগীৰ মুখত হাঁহি আনিব বিচাৰে, তেন্তে তেওঁক গোলাপ ফুল উপহাৰ দিব পাৰে ৷ ই দুয়োৰে মাজত ৰোমাঞ্চ বা প্ৰেম বৃদ্ধি কৰিব ।
বাৰ্তা প্ৰেৰণ কৰক: কোৱা হয় যে ভাল বা প্ৰশংসামূলক শব্দই মুখত হাঁহি আনে । কাৰোবাক সুখী কৰিবলৈ বা তেওঁক হাঁহিবলৈ ভাল লগা মেছেজ পঠিয়াব পাৰে ।
লগতে পঢ়ক: World Animal Day 2023: আজি বিশ্ব প্ৰাণী দিৱস; জানো আহক কিয় আৰু কেনেকৈ এই দিৱসৰ আৰম্ভণি হ‘ল
