শীতকালত শুকান ফলে আমাৰ শৰীৰৰ বাবে যথেষ্ট উপকাৰিতা সাধন কৰে ৷ শুকান ফলৰ পৰা তৈয়াৰী হালোৱা আৰু বহু প্ৰকাৰে মানুহে সেৱন কৰে ৷ অৱশ্যে শুকান ফলৰ দ্বাৰা স্বাস্থ্যৰ বাবেও বহু উপকাৰিতা সাধন হয় ৷ ঠাণ্ডা বতৰত ইয়াক গ্ৰহণ কৰিলে শৰীৰ গৰম হৈ থাকে ৷ শুকান ফলৰ ভিতৰত সদায় শৰীৰক গৰম কৰি ৰাখিবলৈ বহুলোকে খেজুৰকে প্ৰথমে বাচনি কৰে ৷ কিন্তু বহুতে শীতকালত খেজুৰ খোৱাৰ ক্ষেত্ৰত বিভ্ৰান্ত হৈয়েই থাকে ৷
আজি আমি আপোনালোকক জনাম শীতকালত খেজুৰ সেৱন কৰিলে শৰীৰে কি কি উপকাৰিতা লাভ কৰিব পাৰে ৷ লগতে, কোনবোৰ ৰোগ নিয়ন্ত্ৰিত হয় ? শীতকাল অহাৰ লগে লগে বজাৰত খেজুৰৰ অভাৱ ঘটে ৷ খেজুৰ হৈছে পুষ্টিকৰ উপাদানৰ ভঁৰাল ৷ সেয়েহে ই বহু সমস্যা ৰোধ কৰে ৷ ইয়াৰ উপকাৰিতাৰ বিষয়ে জানো আহক...
উচ্চ বিপি নিয়ন্ত্ৰিত হয়-
শীতকালত উষ্ণতা কম হোৱাৰ বাবে ৰক্তবাহী নলী সাময়িকভাৱে সংকুচিত হয় ৷ যাৰ বাবে শৰীৰত তেজৰ সঠিক যোগান ধৰা নহয় ৷ এনে পৰিস্থিতিত ৰক্তচাপ বৃদ্ধি পায় ৷ শীতকালত উচ্চ বি পি নিয়ন্ত্ৰণ কৰিবলৈ দৈনিক খেজুৰ খাব লাগে ৷ কাৰণ খেজুৰত পটাছিয়াম প্ৰচুৰ পৰিমাণে থাকে ৷
ডায়েবেটিছ নিয়ন্ত্ৰিত হয়-
কিছুমান মানুহে শীতকালত মিঠা খাদ্য খাই খুবেই ভাল পায় ৷ কিন্তু ডায়েবেটিছৰ ৰোগীয়ে ইচ্ছামতে মিঠা খাদ্য নোৱাৰে কাৰণ ইয়াত শৰ্কৰাৰ মাত্ৰা যথেষ্ট বেছি ৷ কিন্তু খেজুৰ এনে এবিধ শুকান ফল যে দৈনিক খালে ডায়েবেটিছ ৰোগীৰ কোনো সমস্যা নহয় ৷ ডায়েবেটিছ ৰোগীৰ বাবেও খেজুৰ অতি উপকাৰী আৰু ইয়াত থকা গ্লাইচেমিকৰ পৰিমাণো অতি কম ৷
চৰ্দি আৰু কাহৰ পৰা ৰক্ষা কৰক-
যদি আপুনি শীতকালত দৈনিক খেজুৰ সেৱন কৰে, বা গাখীৰৰ সৈতে খায়, তেন্তে চৰ্দি আৰু কাহৰ সমস্যাও নাইকিয়া হয় ৷ এই বতৰত বেছিভাগ মানুহ চৰ্দি আৰু কাহৰ সমস্যাত ভোগে ৷ এই সকলোবোৰ সমস্যা দূৰ কৰাত খেজুৰ অতি ফলপ্ৰসূ ৷ কাৰণ ইয়াত বহুতো পুষ্টিকৰ উপাদান থাকে, যিয়ে ৰোগ প্ৰতিৰোধ ক্ষমতা শক্তিশালী কৰে ৷
লগতে পঢ়ক: ব্ৰেকফাষ্টত কেতিয়াও অন্তৰ্ভুক্ত নকৰিব এই খাদ্য সামগ্ৰী
