বহুলোকৰ বাবে সুৰা আৰু চিগাৰেট এটা ট্ৰেণ্ডলৈ পৰিণত হৈছে ৷ এই দুই বস্তুৰ অবিহনে যিকোনো পাৰ্টি অসম্পূৰ্ণ বুলি গণ্য কৰা হয় ৷ সুৰা আৰু চিগাৰেট দুয়োটাই স্বাস্থ্যৰ পক্ষে ক্ষতিকাৰক সেয়া আমি সকলোৱে জানো ৷
ধূমপানৰ ফলত হাওঁফাওঁৰ কৰ্কট ৰোগ, হৃদৰোগ, ষ্ট্ৰোক, চি অ’ পি ডি আৰু কেন্সাৰ আদি বিপদজনক ৰোগে দেখা দিব হ’ব পাৰে ৷ একে সময়তে সুৰাপান কৰিলে মুখ, ডিঙি আৰু স্তন কেন্সাৰ, ষ্ট্ৰোক, মগজুৰ ক্ষতি আৰু হৃদৰোগৰ সম্ভাৱনা বৃদ্ধি পায় ৷ কিন্তু আপুনি জানেনে যে চিগাৰেট আৰু সুৰা দুয়োটাৰে সংমিশ্ৰণ (Alcohol and Smoking Side Effects) স্বাস্থ্যৰ বাবে আৰু অধিক বিপজ্জনক ৷ সুৰা আৰু ধূমপানৰ সংমিশ্ৰণে স্বাস্থ্যৰ কিমান ক্ষতি কৰিব পাৰে সেই বিষয়ে আজি জানি লওক...
চিগাৰেট-সুৰাৰ সংমিশ্ৰণ মাৰাত্মক
১/ গুৰুতৰ হৃদৰোগৰ আশংকা
সুৰাপান আৰু চিগাৰেটৰ ধোঁৱা ল’লে হৃদযন্ত্ৰৰ লগত জড়িত বহুতো গুৰুতৰ ৰোগৰ সম্ভাৱনা বহুগুণে বৃদ্ধি পাব পাৰে ৷ ধূমপানৰ ফলত এথেৰ’স্কলেৰ’ছিছ অৰ্থাৎ ধমনী সংকুচিত হোৱাৰ সমস্যা হ’ব পাৰে ৷ একে সময়তে অত্যধিক সুৰাপান কৰিলে কাৰ্ডিঅ’মাইঅ’পেথী, উচ্চ ৰক্তচাপ আৰু অনিয়মিত হৃদস্পন্দন আদি সমস্যাৰ সৃষ্টি হ’ব পাৰে ৷ ইয়াৰ বাবে আৰু বহুতো গুৰুতৰ সমস্যাৰ সৃষ্টি হ’ব পাৰে ৷
২/ যকৃতত বিপজ্জনক প্ৰভাৱ
সুৰাপান কৰিলে লিভাৰৰ ক্ষতি হ’ব পাৰে আৰু চিগাৰেট খালে ইয়াক আৰু গুৰুতৰ কৰি তুলিব পাৰে ৷ দুয়োটা একেলগে সেৱন কৰিলে যকৃতৰ লগত জড়িত গুৰুতৰ ৰোগ হ’ব পাৰে ৷ ইয়াৰ বাবে লিভৰ নিজেও সুস্থ হোৱাত অসুবিধা হয় ৷
৩/ কেন্সাৰ বৃদ্ধিৰ আশংকা
সুৰাপান আৰু ধূমপান দুয়োটাই বিভিন্ন ধৰণৰ কৰ্কট ৰোগ সৃষ্টি কৰিব পাৰে ৷ ইয়াৰ বিপদ যথেষ্ট বেছি ৷ দুয়োটা একেলগে সেৱন কৰিলে মুখ, ডিঙি আৰু খাদ্যনলীৰ লগত জড়িত গুৰুতৰ আৰু বিপজ্জনক ৰোগ হ’ব পাৰে ৷
৪/ অভ্যাসলৈ পৰিণত হ’লে সৃষ্টি হ’ব এই সমস্যা
সুৰা আৰু ধঁপাত সেৱন কৰাটো স্বাস্থ্যৰ বাবে একেবাৰেই উপকাৰী নহয় ৷ দুয়োটা নিচাই মনক প্ৰভাৱিত কৰে ৷ এবাৰ দুয়োৰে প্ৰতি আসক্ত হ’লেই দুয়োৰে পৰা মুক্তি পোৱাটো কঠিন হৈ পৰে ৷ ইয়াৰ কাৰণে শৰীৰত বিভিন্ন ৰোগৰ সৃষ্টি হ’ব পাৰে আৰু ইয়াৰ পৰা পৰিত্ৰাণ পোৱাটো সহজ নহয় ৷
লগতে পঢ়ক: Foods for Winter: শীতকালত আপোনাক সুস্থ ৰখাৰ লগতে চৰ্দি-কাহৰ পৰা ৰক্ষা কৰিব এইসমূহ খাদ্যই
