ভাৰতবৰ্ষত থকা বহু মন্দিৰৰ আছে ৰহস্যময় ইতিহাস । ভাৰতত এনে কিছুমান মন্দিৰ আছে, যিসমূহ মন্দিৰৰ লগতে জড়িত হৈ আছে বহু কাহিনী আৰু বহুতো ৰহস্য । য’ত এনে কিছুমান ঘটনা ঘটে, যিবোৰ বাস্তৱ জীৱনত অসম্ভৱ যেন লাগে ৷ বহু মন্দিৰত বহু ধৰণৰ ৰহস্য আছে আৰু ইয়াৰ সৈতে জড়িত কাহিনীও আছে, যাৰ উত্তৰ আজিলৈকে কোনেও বিচাৰি উলিয়াব পৰা নাই ।
গতিকে আজি জানো আহক দেশৰ এনে ৰহস্যময় মন্দিৰৰ বিষয়ে, যাৰ বিষয়ে বহুতো ৰহস্যময় কাহিনী জনপ্ৰিয় । লগতে জানো আহক কিয় এই মন্দিৰসমূহ সমগ্ৰ বিশ্বতে বিখ্যাত...
জগন্নাথ মন্দিৰ, ওড়িশা
পুৰিৰ জগন্নাথ মন্দিৰ ১১০০ খ্ৰীষ্টাব্দত স্থাপন কৰা হৈছিল ৷ এই মন্দিৰত প্ৰৱেশ কৰিবলৈ চাৰিখন দুৱাৰ আছে, ইয়াৰে এখন সিংহদ্বাৰ আৰু এই দুৱাৰখন ৰহস্যময় বুলি গণ্য কৰা হয় । কোৱা হয় যে সন্ধিয়া এই দুৱাৰেৰে ভিতৰলৈ সোমাই গ’লে সাগৰৰ শব্দ শুনা বন্ধ হৈ যায়, কিন্তু ওলাই অহাৰ লগে লগে পুনৰ শুনা যায় শব্দ । ইয়াৰ পতাকাখন সদায় বিপৰীত দিশত লৰচৰ কৰে আৰু ইয়াৰ ওপৰত কোনো চৰাই নাযায় বুলিও কোৱা হয়।
কৰ্ণী মাতা মন্দিৰ, বিকানেৰ
ৰাজস্থানৰ বিকানেৰত কৰ্ণী মাতাৰ মন্দিৰটো নিগনি মাতৃৰ মন্দিৰ বুলিও জনা যায় । এই মন্দিৰত হাজাৰ হাজাৰ নিগনি বাস কৰে আৰু মন্দিৰত ঘূৰি ফুৰে, কিন্তু এই মন্দিৰৰ বিশেষ কথাটো হ’ল এই নিগনিবোৰ কেতিয়াও মন্দিৰৰ পৰা বাহিৰলৈ ওলাই নাহে ।
বীৰভদ্ৰ মন্দিৰ, লেপাক্ষী
অন্ধ্ৰ প্ৰদেশৰ লেপাক্ষীত নিৰ্মিত এই মন্দিৰৰ এটা বিশেষ গোপনীয়তাও আছে। এই মন্দিৰত বহুতো খুঁটা আছে যদিও ইয়াৰে এটা খুঁটা যথেষ্ট বিশেষ, কাৰণ এই খুঁটাটো বতাহত থাকে । হয়, শুনিবলৈ আচৰিত যেন লাগিলেও সঁচা ৷ এই এই খুঁটাটোক আকাশ তপা বুলি কোৱা হয়। এতিয়াও মানুহে ইয়াৰ বতাহত ওপঙি থকাৰ ৰহস্য বিচাৰি উলিয়াব পৰা নাই।
পদ্মনাভস্বামী মন্দিৰ
এই মন্দিৰক বিশ্বৰ আটাইতকৈ চহকী মন্দিৰ বুলি গণ্য কৰা হয় । এই মন্দিৰৰ আটাইতকৈ ৰহস্যময় বস্তুটো হ’ল ইয়াৰ ধন-সম্পত্তি ৷ ইয়াত বহুতো মূল্যবান বস্তু আছে আৰু প্ৰতিটো বস্তুৰ মূল্য কোটি কোটি টকা। বৰ্তমান কিছু ধন-সম্পত্তি আৱদ্ধ কৰি ৰখা হৈছে আৰু বিশেষ মন্ত্ৰৰ জৰিয়তে সেইবোৰ খুলিব পৰা যাব বুলি বিশ্বাস কৰা হয় ।
মহাৰাষ্ট্ৰৰ কৈলাশ মন্দিৰ
এই মন্দিৰৰ বিশেষ কথাটো হ’ল এই সমগ্ৰ মন্দিৰটো এটা শিলৰ পৰা নিৰ্মাণ কৰা হৈছে । অৰ্থাৎ ওপৰৰ পৰা শিল খান্দিবলৈ আৰম্ভ কৰা হৈছিল আৰু তললৈকে খান্দি নিৰ্মাণ কৰা হৈছিল । মাটিৰ পৰা প্ৰায় ১০৭ ফুট তলত আৰু ইয়াত কৰা শিল্পকৰ্ম যথেষ্ট ৰহস্যময় ।
